Yobo
12 Yobo a fhindula a ri:
2 “Nga ngoho vhathu ndi inwi vhane na ḓivha,
Ni ḓo fa no ṱalifha!
3 Fhedzi na nṋe ndi a zwi ṱalukanya.
A ni mphiri.
Ndi nnyi a sa ḓivhi zwenezwo zwithu?
Hu seiwa o lugaho na a si na mulandu sa nṋe.
5 Muthu ane zwa khou mu tshimbilela zwavhuḓi u nyadza khombo,
A tshi humbula uri i wela vhane milenzhe yavho ya suvha.
6 Madenndeni a mavemu hu na mulalo,+
Vhane vha sinyusa Mudzimu vho tsireledzea,+
Vho faraho midzimu yavho nga zwanḓa.
7 Vhudzisa zwipuka, zwi ḓo u funza;
Na zwiṋoni, zwi ḓo u vhudza.
8 Lavhelesa* ḽifhasi, ḽi ḓo u funza;
Na khovhe dzi ḓo u vhudza.
9 Ndi tshifhio kha zwenezwo zwoṱhe tshine tshi si ḓivhe
Uri zwenezwi zwo itwa nga tshanḓa tsha Yehova?
10 Tshanḓani tshawe hu na vhutshilo ha zwoṱhe zwi tshilaho
Na vhutshilo ha vhathu vhoṱhe.+
11 Naa nḓevhe a si ya u thetshelesa zwine zwa ambiwa
U fana na lulimi lu tshi thetshela zwiḽiwa?+
12 Vhuṱali vhu na vhaaluwa,+
U ṱalukanya hu waniwa nga u lalama.
14 Musi a tshi thutha tshithu, tshi nga si fhaṱululwe;+
Tshe a tshi vala muthu a nga si tshi vule.
15 Musi a tshi thivhela maḓi, tshiṅwe na tshiṅwe tshi a oma;+
Musi a tshi a vulela, a kumba ḽifhasi.+
16 Maanḓa na vhuṱali ndi zwawe;+
Ane a xedzwa na ane a xedza ndi vhawe;
17 Vhaeletshedzi u vha tshimbidza nga milenzhe,
Vhahaṱuli u vha ita matsilu.+
18 U vhofholola ngeḓane dzo vhofhiwaho nga mahosi,+
A vhofhelela bannda kha khundu dzao.
19 Vhotshifhe u vha tshimbidza nga milenzhe,+
U wisa vha re na maanḓa;+
20 Vhaeletshedzi vha fhulufhedzeaho u vha kundisa u amba
Vhakalaha* a vha dzhiela ṱhalukanyo;
21 U shonisa vharangaphanḓa,+
U kula nungo vha re na maanḓa;
22 U dzumbulula zwi re swiswini,+
A vhonetshela tshedza swiswini ḽihulu;
23 U hulisa tshaka uri a dzi fhelise;
A engedza tshaka, uri a dzi ise vhuthubwani.
24 U ita uri vharangaphanḓa vha vhathu vha si vhe na ṱhalukanyo
A ita uri vha tendeleke sogani.+