Dziphisalema
Kha mulangi; nga kuimbele kwa Yeduthuni.* Luimbo lwa Asafu.+
77 Ndi ḓo vhidzelela Mudzimu nga ipfi ḽanga;
Ndi ḓo vhidzelela Mudzimu, u ḓo mpfa.+
2 Ndi ṱoḓa Yehova musi ndo tsikeledzea.+
Ndi dzula ndo mu imisela zwanḓa zwanga vhusiku.
A thi khuthadzei.
4 Ndi iwe we wa vula tsie dzanga;
Ndo sinyuwa a thi koni na u amba.
5 Ndi humbula zwa maḓuvha a kale-kale,+
Zwa miṅwaha ya kale-kale.
7 Naa Yehova u ḓo ri laṱa lwa tshoṱhe?+
Naa a nga si tsha dovha a ri khathutshela?+
8 Naa lufuno lwawe lu sa shanduki lwo fhela lwa tshoṱhe?
Naa zwe a fhulufhedzisa a zwi tsha ḓo itea kha mirafho yoṱhe?
9 Naa Mudzimu o hangwa u sumbedza u takalela hawe,+
Kani mbiti dzawe dzo ita uri khathutshelo yawe i fhele? (Selah)
10 Naa ndi ḓo dzula ndi tshi ri: “Zwine zwa ntsikeledza ndi hezwi:+
Wa-Ṱaḓulu-ṱaḓulu o shandula nḓila ine a shumisana ngayo na riṋe”?
11 Ndi ḓo humbula mishumo ya Yehova;
Ndi ḓo humbula mishumo yau i mangadzaho ya kale-kale.
12 Ndi ḓo elekanya nga mishumo yau yoṱhe
Nda elekanya nga mishumo yau.+
13 Iwe Mudzimu, nḓila dzau ndi khethwa.
Ndi ufhio mudzimu ane a vha muhulwane sa Iwe Mudzimu?+
14 U Mudzimu wa ngoho, ane a ita zwithu zwi mangadzaho.+
Wo dzumbulula nungo dzau kha vhathu.+
17 Makole a shulula maḓi
Ha pfala mubvumo kha makole a re lutomboni,
Misevhe yau ya fhufha thungo dzoṱhe.+