Dziphisalema
118 Livhuwani Yehova, ngauri ndi wavhuḓi;+
Lufuno lwawe lu sa shanduki ndi lwa lini na lini.
2 Vhaisiraele kha vha ri:
“Lufuno lwawe lu sa shanduki ndi lwa lini na lini.”
3 Vha re nḓuni ya Aroni kha vha ri:
“Lufuno lwawe lu sa shanduki ndi lwa lini na lini.”
4 Vhane vha ofha Yehova kha vha ri:
“Lufuno lwawe lu sa shanduki ndi lwa lini na lini.”
6 Yehova u na nṋe; a thi nga ofhi.+
Muthu a nga nnyita mini?+
8 Ndi khwine u khuda nga Yehova
Nṱhani ha u fhulufhela vhathu.+
9 Ndi khwine u khuda nga Yehova
Nṱhani ha u fhulufhela vharangaphanḓa.+
11 Dzo vha dzo ntanga, ndo vha ndo tangiwa tshoṱhe,
Fhedzi nga dzina ḽa Yehova,
Ndo dzi pandela.
12 Dzo vha dzo mmomela sa ṋotshi,
Fhedzi dza ṱavhanya u dzimiwa sa mulilo u re mipfani.
Nga dzina ḽa Yehova,
Ndo dzi pandela.+
13 Ndo sukumedzwa vhukuma* uri ndi we,
Fhedzi Yehova a nthusa.
14 Yehova ndi vhukhudo hanga na nungo dzanga,
Ndi ene a ntshidzaho.+
15 Mukosi wa u takala na wa u tshidzwa*
U madenndeni a vho lugaho.
Tshanḓa tsha Yehova tsha u ḽa tsho ita mishumo ya maanḓa.+
16 Yehova o imisela nṱha tshanḓa tshawe tsha u ḽa;
Tshanḓa tsha Yehova tsha u ḽa tsho ita mishumo ya maanḓa.+
17 A thi nga fi, ndi ḓo tshila,
Uri ndi kone u ḓivhadza mishumo ya Yehova.+
19 Mmvuleleni khoro dza u luga;+
Ndi ḓo dzhena ngadzo, nda renda Yehova.
20 Heyi ndi khoro ya Yehova.
Muvhuya u ḓo dzhena ngayo.+
21 Ndi ḓo u renda ngauri wo mphindula+
Wo ntshidza.
22 Tombo ḽe ḽa laṱwa nga vhafhaṱi
Ḽo vha thikho ya tshifhaṱo.+
24 Heḽi ndi ḽone ḓuvha ḽe Yehova a ḽi ita;
Ri ḓo takala na u pembela nga ḽeneḽi ḓuvha.
25 Yehova, ri khou humbela uri u ri tshidze!
Yehova, ri humbela uri ri kunde!
26 Nga hu fhaṱutshedzwe ane a ḓa nga dzina ḽa Yehova;+
Ri a ni fhaṱutshedza ri nḓuni ya Yehova.
27 Mudzimu ndi Yehova;
U ri ṋea tshedza.+
Ṱanganelani na vhane vha khou ya vhuṱamboni vho fara matavhi nga zwanḓa,+
Zwi swike ṋangani dza aḽeṱare.+
28 U Mudzimu wanga, ndi ḓo u renda;
Mudzimu wanga, ndi ḓo u hulisa.+