Yobo
36 Elihu a bvela phanḓa a ri:
2 “U songo fhela mbilu musi ndi tshi kha ḓi ṱalutshedza,
Ngauri ndi kha ḓi vha na maipfi ane nda ṱoḓa u a ambela Mudzimu.
3 Ndi ḓo amba nga vhuḓalo zwine nda zwi ḓivha,
Ndi ḓo ḓivhadza uri Musiki wanga o luga.+
4 Ndi khou amba ngoho a thi khou zwifha;
A re na nḓivho yo fhelelaho+ u phanḓa hau.
5 Ngangoho Mudzimu u na maanḓa+ ha laṱi muthu;
Maanḓa awe a u elekanya ndi mahulu.
7 Maṱo awe a dzula o sedza vho lugaho;+
U vha dzudza kha khuluṋoni na mahosi,*+ a vha hulisa lwa tshoṱhe.
8 Fhedzi arali vho vhofhiwa nga ngeḓane
Vho vhofhiwa nga thambo dza u tambudza,
9 U vha dzumbululela zwe vha ita,
Vhutshinyi havho ho itiswa nga u ḓihudza havho.
10 U vula nḓevhe dzavho uri a vha khakhulule
A vha vhudze uri vha litshe zwivhi zwavho.+
11 Arali vha mu thetshelesa vha mu shumela,
Vha ḓo fhedza maḓuvha avho nga mulalo,
Miṅwaha yavho i ḓo vha i takadzaho.+
13 Vha sa ofhi Mudzimu* mbiluni dzavho vha ḓo vha na vengo.
A vha lileli thuso naho a tshi vha vhofha.
14 Vha fa vha tshee vhaṱuku,+
Vha fhedza vhutshilo havho vhe na vhanna vhane vha rengisa muvhili thembeleni.+
15 Mudzimu u tshidza vhane vha khou tambula musi vhe vhuṱunguni;
U vula nḓevhe dzavho musi vho tsikeledzea.
16 Iwe a u sendedza kule ha zwi tsikeledzaho+
A u isa fhethu ho aṱamaho hu si na tshi u fareledzaho,+
A u kwengweledza nga zwiḽiwa zwavhuḓi ṱafulani yau.+
17 Nga zwenezwo, iwe u ḓo fushea nga nḓila ine vhavhi vha ḓo haṱulwa ngayo,+
Musi hu tshi haṱulwa hu sa sumbedzwi tshiṱalula.
18 Fhedzi u ṱhogomele uri mbiti dzi si ite uri u semane,+
U songo tenda u xedzwa nga tshanḓanguvhoni.
19 Naa u ḓo lilela thuso
Kana wa ḓidina vhukuma uri u si tsikeledzee?+
20 U songo tama vhusiku,
Ndi tshifhinga tshine vhathu vha ngala-ngala fhethu havho.
21 U ṱhogomele uri u si ite zwivhi,
Wa nanga zwenezwi nṱhani ha u tambula.+
22 Mudzimu u a huliswa nga maanḓa awe;
Ndi nnyi ane a funza u fana nae?
25 Vhathu vhoṱhe vho zwi vhona,
Muthu u zwi vhona a tshee kule.
27 U kokodza marotha a maḓi;+
A shuluwa sa mvula a tshi bva kha khuli;
28 A shuluwa a tshi bva kha makole;+
A rothela vhathu.
31 U fusha vhathu nga zwenezwo;
U vha ṋea zwiḽiwa zwa anda.+
32 U thivha lupenyo nga zwanḓa zwawe,
A tshi lu livhisa hune lwa rwa hone.+
33 Na mibvumo yawe i amba nga hae,
Na zwifuwo zwi a amba uri ndi nnyi ane a khou ḓa.