Luimbo 80 (180)

Bugu ya Mudzimu—Dzanga

(Mirero 2:1)

1. Hu na bugu ine maṱari ayo,

A fha vhathu dakalo, mulalo.

Maipfi ayo a na nungo khulu.

A bonyolosa mabofu maṱo.

Yeneyo bugu ndi Bivhili Khethwa.

Yo ṅwaliwa nga u hevhedzela.

Nga vhathu vhane vha funa Yehova,

Vho ḓala muya wawe mukhethwa.

2. Vho ṅwala nga ha tsiko ya Mudzimu,

Na nga u vha hone ha ḽinnḓa.

Na nga muthu we a vha o fhelela.

Na u xedziwa ha Paradiso.

Vho amba na nga ha muṅwe muruṅwa.

We a pikisa vhuhosi ha Yah.

Zwa ḓisela muthu tshivhi, maṱungu,

Zwine Yehova a ḓo zwi lozwa.

3. Ri tshila tshifhingani tsha dakalo.

Muvhuso wa Kristo wo bebiwa.

Ndi ḓuvha ḽa u tshidza ha Yehova.

Kha vhoṱhe vhane vha mu rabela.

Zwenezwi zwi wanala Bivhilini.

Vhuḓi hayo vhu fhira musuku.

I ṋea fulufhelo ḽihulwane.

Ḽine ḽa si vhambedzwe na tshithu.