Ngudo 16

Phetho Yaṋu Ya U Shumela Mudzimu

Ni fanela u ita mini u itela u vha khonani ya Mudzimu? (1, 2)

Ni ḓiṋekedza hani kha Mudzimu? (1)

Ni fanela u lovhedzwa lini? (2)

Ni nga wana hani maanḓa a u dzula ni tshi fulufhedzea kha Mudzimu? (3)

1. U itela uri ni vhe khonani ya Mudzimu, ni fanela u vha na nḓivho yavhuḓi ya mafhungo-ngoho a Bivhili (1 Timotheo 2:3, 4), ni vhe na lutendo kha zwithu zwe na zwi guda (Vha-Heberu 11:6), ni rembuluwe kha zwivhi zwaṋu (Mishumo 17:30, 31), nahone ni litshe buḓo ḽaṋu ḽa vhutshilo. (Mishumo 3:19) Zwenezwo u funa haṋu Mudzimu hu fanela u ni sudzulusela u ḓiṋekedza khae. Hezwi zwi amba uri nga dzaṋu, ni noṱhe ni fanela u rabela ni mu vhudze uri ni khou ḓiṋekedza u itela u ita zwine a zwi funa.—Mateo 16:24; 22:37.

2. Musi no no ḓiṋekedza kha Mudzimu, ni fanela u lovhedzwa. (Mateo 28:19, 20) Ndovhedzo ndi nḓila ya u vhudza muṅwe na muṅwe uri no ḓiṋekedza kha Yehova. Ngauralo ndovhedzo ndi ya vho aluwaho vhane vha kona u ita phetho ya u shumela Mudzimu. Musi muthu a tshi lovhedzwa, muvhili wawe woṱhe u fanela u mbwandamela maḓini lwa tshifhinganyana.a—Marko 1:9, 10; Mishumo 8:36.

3. Musi no no ḓiṋekedza, Yehova u ḓo lavhelela uri ni tshile u tendelana na fulufhedziso ḽaṋu. (Psalme ya 50:14; Muhuweleli 5:4, 5) Diabolo u ḓo lingedza u ni litshisa u shumela Yehova. (1 Petro 5:8) Fhedzi sendelani tsini na Mudzimu nga thabelo. (Vha-Filipi 4:6, 7) Gudani Ipfi ḽawe ḓuvha ḽiṅwe na ḽiṅwe. (Psalme ya 1:1-3) Farelelani tshivhidzo. (Vha-Heberu 13:17) Nga u ita hezwi zwoṱhe, ni ḓo wana maanḓa a u dzula ni tshi fulufhedzea kha Mudzimu. Ndi hone ni tshi ḓo kona u ita zwine Mudzimu a zwi ṱoḓa kha inwi nga hu sa fheli!

[Footnote]