Gwati ḽa nga Ngomu

Ha Vhaswa Vhashu Vha Funwaho,

Khotsi aṋu wa ṱaḓulu, Yehova Mudzimu u a ni funa vhukuma. U ṱoḓa ni tshi takala. Ni nga kha ḓi ḓivhudzisa uri, ‘Fhedzi naa zwi a konadzea zwa vhukuma u takala ṋamusi?’ Yeneyo ndi mbudziso yavhuḓi. Zwi re zwone ndi uri ri ṱangana na thaidzo nnzhi vhutshiloni hashu. Zwi vhonala u nga ḓuvha ḽiṅwe na ḽiṅwe hu vha na khaedu dzine dza ita uri ri si takale. Fhedzi Khotsi ashu a re na lufuno u ḓo ri thusa! Ipfi ḽawe ḽi ri ṋea vhulivhisi vhune ra vhu ṱoḓa u itela u sedzana na dzenedzo khaedu. Naho Bivhili yo ṅwalwa kale, nyeletshedzo yayo i kha ḓi shuma ṋamusi u fana na musi i tshi kha ḓi bva u ṅwalwa.—Psalme ya 119:98, 99; 2 Timotheo 3:16, 17.

Ro lugiselela heyi khandiso nga ṅwambo wa uri ri a ni funa. Ri ṱoḓa ni tshi takala na u tshila vhutshilo vhu takadzaho vhukuma. Ngauralo, ri ni ṱuṱuwedza uri ni vhale heyi bugu yoṱhe, nahone ni dovhe ni i vhale musi ni tshi ṱangana na thaidzo. Tshiṅwe tsha zwipikwa zwa yeneyi bugu ndi u ita uri inwi na vhabebi vhaṋu ni kone u davhidzana khwine. Ri fulufhela uri ni ḓo vhala kana u guda noṱhe zwiṅwe zwipiḓa zwayo. Shumisani nga vhuḓalo vhuṱali na tshenzhelo zwa vhabebi vhaṋu!

Ri ni tamela zwivhuya fhedzi,

Tshigwada tshi Langaho tsha Ṱhanzi dza Yehova