Tshifhinga Tsha Tshihumbudzo Tshi Ri Ṋea Tshibuli Tsha U Engedza Tshumelo!
1. Ndi ngani ri tshi fanela u humbula nga u engedza tshumelo yashu nga March, April, na May?
1 Naa ni nga kona u engedza tshumelo yaṋu vhuḓinḓani nga tshifhinga tsha Tshihumbudzo? Vhaṅwe vhahuweleli vha ḓo vha vho awela u ya mushumoni kana tshikoloni nahone vha nga shumisa aneo maḓuvha u itela u ya vhuḓinḓani. U thoma nga ḽa 2 April, ri ḓo vha na fulo ḽo khetheaho ḽa u ramba vhathu vha re na dzangalelo uri vha kone u ṱanganela na riṋe Tshihumbudzoni nga ḽa 17 April. Nga Mugivhela wa ḽa 16 April, ri ḓo dovha ra vha na Ḓuvha ḽashu ḽa Magazini ḽo khetheaho. Nga murahu ha Tshihumbudzo, ri ḓo lwela u ṱahulela dzangalelo ḽa vhe vha ḓa Tshihumbudzoni nahone ra vha ramba kha nyambo yo khetheaho ine ya ḓo ṋekedzwa nga vhege ya ḽa 25 April. Vhukuma, hu na zwiitisi zwinzhi zwine zwa ita uri ri humbule nga u engedza tshumelo yashu nga March, April, na May.
2. Ndi ifhio iṅwe nḓila yavhuḓisa ya u ita zwo engedzeaho vhuḓinḓani hashu?
2 Vhuvulanḓila Ha U Thusa: Iṅwe nḓila yavhuḓi ya u ita zwenezwi ndi u dzhia vhuvulanḓila ha u thusa. Samusi roṱhe ro farakanea, kanzhi zwenezwi zwi ṱoḓa uri ri dzudzanye hu tshee nga phanḓa na u ita dziṅwe tshanduko kha mbekanyo yashu. (Mir. 21:5) Khamusi zwi nga kha ḓi ṱoḓea uri ni dzudzanye u ita nga tshiṅwe tshifhinga miṅwe mishumo i si ya ndeme kha mbekanyo yaṋu yo ḓoweleaho. (Vha-Fil. 1:9-11) Ndi ngani ni sa ambi na vhaṅwe tshivhidzoni u itela uri ni kone u vhona arali na vhone vha tshi nga dzhia vhuvulanḓila ha u thusa?
3. Miṱa i nga dzudzanya hani u itela u engedza tshumelo yavho?
3 Kha Vhurabeli haṋu ha Muṱa ha nga madekwana vhu tevhelaho, zwi ḓo vha zwavhuḓi u haseledza zwipikwa zwa vhoiwe sa muṱa. (Mir. 15:22) Arali miraḓo ya muṱa ya shumisana, miṅwe miraḓo ya muṱa i nga dzhia vhuvulanḓila ha u thusa ṅwedzi muthihi kana mivhili. Ni fanela u ita mini arali na wana uri ni nga si kone u vula nḓila? Muṱa u nga ita ndugiselelo dza u engedza tshumelo yawo nga u ya vhuḓinḓani nga maṅwe madekwana kana nga u fhedza tshifhinga tshinzhi vhuḓinḓani mafheloni a vhege.
4. Ndi phaṱhutshedzo dzifhio dzine ra ḓo dzi wana musi ri tshi engedza tshumelo yashu kha tshino tshifhinga tsha Tshihumbudzo?
4 Yehova u a ṱhogomela zwoṱhe zwine ra zwi ita musi ri tshi mu shumela nahone u a takalela u ḓidzima hashu. (Vha-Heb. 6:10) U ṋea Yehova na vhaṅwe vhathu zwi ḓo ni ḓisela dakalo. (1 Koron. 29:9; Mish. 20:35) Zwi ḓo vha zwavhuḓi arali na engedza tshumelo yaṋu nga tshifhinga tsha Tshihumbudzo nahone na wana dakalo na phaṱhutshedzo zwihulwane.