‘Ni Pfelane Vhuṱungu’
1. Ndi mini zwine vhathu vha zwi ṱoḓa maṱo matswuku ṋamusi?
1 Kha ḓivhazwakale a hu athu vhuya ha vha na vhathu vhanzhi nga u rali vhane vha tama nga maṱo matswuku u thusiwa nga pfelwa vhuṱungu. U tshinyala ha zwiimo zwa shango zwo ita uri vhathu vhanzhi vha si vhe na dakalo, vha tsikeledzee, na u sa vha na fulufhelo. Vhathu vhanzhi vha ṱoḓa thuso nahone riṋe samusi Vhakriste ri kha vhuimo havhuḓi ha u sumbedza vhathu uri ri a vha vhilaelela zwi tshi bva mbiluni. (Mat. 22:39; Vha-Gal. 6:10) Ri nga zwi sumbedza hani uri ri a vha vhilaelela?
2. Ndi ifhio nḓila ya khwine ine ra nga sumbedza ngayo u pfela vhuṱungu?
2 Mushumo Wa U Pfela Vhuṱungu: Mudzimu ndi ene e eṱhe tshisima tsha vhukuma tsha khuthadzo ya tshoṱhe. (2 Vha-Kor. 1:3, 4) Yehova u ri ṱuṱuwedza uri ri mu edzise nga u ‘pfela vhuṱungu,’ o ri ṋea mushumo wa uri ri dalele vhahura vhashu u itela u vha vhudza mafhungo maḓifha a Muvhuso. (1 Pet. 3:8) U ṱanganela tshifhinga tshoṱhe kha wonoyo mushumo ndi yone nḓila ya khwine ya u khuthadza vha “mbilu dzo vunḓekanaho,” ngauri Muvhuso wa Mudzimu ndi ḽone fulufhelo ḽi ḽoṱhe ḽa vhukuma kha vhathu vhane vha khou tambula. (Yes. 61:1) Nga ṅwambo wa u pfela vhuṱungu vhathu vhawe, hu si kale Yehova u ḓo fhelisa vhuvhi na u ita shango ḽiswa ḽo lugaho.—2 Pet. 3:13.
3. Ri nga dzhia hani vhathu nga nḓila ye Yesu a vha dzhia ngayo?
3 Dzhiani Vhathu Nga Nḓila Ye Yesu A Vha Dzhia Ngayo: Naho a tshi khou huwelela kha magogo a vhathu, Yesu o vha a sa sokou vha dzhia vhe tshigwada tsha vhathu. O vha a tshi humbula nga ha zwishaiwa zwa muthu muṅwe na muṅwe zwa u vha na vhushaka havhuḓi na Mudzimu. Vho vha vha tshi nga nngu dzi si na mulisa wa u dzi livhisa. Yesu o kwamea nga zwe a zwi vhona nahone zwo mu sudzulusela u vha funza a sa fheli mbilu. (Marko 6:34) Musi ri tshi dzhia vhathu u fana na nḓila ye Yesu a vha dzhia ngayo zwi ri sudzulusela uri ri vha pfela vhuṱungu. Zwenezwi ri nga zwi sumbedza nga nḓila ine ra amba navho ngayo na nga mbonalo dza tshifhaṱuwo tshashu. U huwelela zwi ḓo ḓa u thoma vhutshiloni hashu nahone ri ḓo shandula maambele ashu uri a tendelane na zwine zwa vhilaedzisa onoyo muthu.—1 Vha-Kor. 9:19-23.
4. Ndi ngani ri tshi fanela u ambara u pfela vhuṱungu?
4 Vhathu vhanzhi vha bvaho kha tshaka dzoṱhe vha khou aravha zwavhuḓi mulaedza wa Muvhuso na dzangalelo ḽine vha sumbedzwa ḽone. Musi ri tshi khou bvela phanḓa nga u ambara u pfela vhuṱungu, ri ḓo hulisa na u takadza Mudzimu washu Yehova wa u pfela vhuṱungu.—Vha-Kol. 3:12.