Ṱhaluso I Re Magumoni A Siaṱari

a Nga Ḽavhuvhili nga dzi 4 dza April 2023, vhathu vha dzimiḽioni u mona na ḽifhasi ḽoṱhe vha ḓo ya Tshihumbudzoni tsha lufu lwa Kristo. Vhaṅwe vha ḓo vha vho ya lwa u tou thoma. Vhaṅwe vhe vha litsha u shumela Yehova nahone vhe na tshifhinga tshilapfu vha sa yi Tshihumbudzoni, na vhone vha ḓo vha vhe hone. Vhaṅwe vha na zwiimo zwine zwa ita uri zwi vha konḓele u ya Tshihumbudzoni, fhedzi vha ḓo ita zwoṱhe zwine vha nga kona uri vha vhe hone. Hu sa londwi uri vhuimo haṋu vhu hani, ni nga vha na vhungoho ha uri Yehova u ḓo takala arali na ita zwoṱhe zwine na nga kona uri ni ye Tshihumbudzoni.