NGUDO 5

U Vhala Nga Nḓila Yavhuḓi

1 Timotheo 4:13

MANWELEDZO: Vhalelani nṱha zwo ṅwalwaho kha bammbiri.

Lugiselelani zwavhuḓi. Humbulani uri ndi ngani zwenezwi zwo ṅwaliwa. Ni songo vhala ipfi nga ḽithihi nga ḽithihi. Itani vhungoho ha uri ni si engedze maipfi kana u a pfuka. Ṱhogomelani zwiga zwa u vhala.

Humbelani khonani yaṋu uri a ni thetshelese musi ni tshi khou vhala na u ni sumbedza he ni si vhale zwavhuḓi.
Bulani ipfi ḽiṅwe na ḽiṅwe nga nḓila yavhuḓi. Arali ni sa ḓivhi uri ipfi ḽi buliwa hani, sedzani kha ṱhalusamaipfi [dictionary], thetshelesani khandiso dzo rekhodiwaho kana ni humbele muṅwe muthu ane a vhala zwavhuḓi uri a ni thuse.
Ambani nga nḓila yavhuḓi. Bulani maipfi zwavhuḓi, imiselani ṱhoho yaṋu nṱha nahone ni aṱame mulomo. Itani vhuḓidini ha u bula ipfi ḽiṅwe na ḽiṅwe nga nḓila yavhuḓi.

Ni songo bula maipfi nga nḓila ine ya ḓo ita uri zwine na khou zwi vhala zwi si nyanyule.