Geremia
45 Nel quarto ano de Geoiachin, rè de Giudà e fiol de Giosia, intanto che Baruche, fiol de Neria, l’era drio scriver nte un libro le parole che el profeta el parlea, Geremia el ghe ga dito: 2 “Geovà, el Dio de Israel, el dise cossita sora ti, Baruche. 3 ‘Ti te ghè dito: “Guai de mi, che insieme al mal che mi go, Geovà el me ga dato tristessa! Son stufo de tanto sofrir e no cato mia pace.”’ 4 “Te ghè de dir a lu: ‘Cossita dise Geovà: “Son drio butar do quel che go fato su e drio cavar via quel che go piantà, tuto el paese. 5 Ma ti te sì drio ndar in serca de grande robe par ti. Férmate de ndar in serca de queste robe.”’ “‘Parché mi vao portar una calamità a tute le persone’, dise Geovà, ‘e in tuti i posti che te ndarè, mi vao proteger la to vita’.”