Ésodo

35 Pi tardi, Moisè el ga riunio tuta la assemblea de Israel e el ghe ga dito: “Questo l’è quel che Geovà el ne ga mandà far: 2 ‘Podé laorar par sei giorni, ma el sètimo giorno el sarà un giorno sacro par valtri. Un sabo de riposo dedicà par Geovà. Se qualchedun el laora nel sabo el ga de morir. 3 No sté impissar el fogo nele vostre case nel giorno de sabo.’” 5 Tolé su ntra de valtri una contribussion par Geovà. Che tuti quei de cuor disposto i porte una contribussion par Geovà: oro, argento e rame. 21 Alora tuti quei che i volea de cuor i ze stati motivadi a portar una contribussion par Geovà. Questa contribussion la saria doperada par far su la tenda de riunion, par tuto el laoro che saria fato lì e par le veste sante. 25 Tute le done che le era bone de far laori cole man le ga portà quel che le gavea fato: fil asul, lana viola, fil scarlate e un bon de un lin. 26 E tute le done che le era bone de far laori cole man e che le era motivade nel so cuor le ga filà pei de cavra. 27 I paroni del pòpolo i ga portà sassi de ónis e altri sassi par meter nel èfode e nel petoral. 28 I ga portà anca el bàlsamo e el òio par far ciaro, par el òio de unsion e par el insenso profumà. 29 Tuti i òmini e le done che i se ga sentio motivadi nel cuor i ga portà qualcossa par el laoro che Geovà, par meso de Moisè, el gavea mandà che i fesse. I israeliti i ga portà tuto come oferta volontària par Geovà. 30 Alora Moisè el ga dito ai israeliti: “Vardé! Geovà el ga scoliesto Bezalel, fiol de Uri, fiol de Hur, dela tribo de Giudà. 31 Lu el ghe ga dato el so spìrito par gaver sabedoria, par esser bon de capir e par gaver cognossensa par far tuti i tipi de laori cole man, 32 par far bei laori, par laorar con oro, argento e rame, 33 par laorar sassi pressiosi e par far tuti i tipi de bei laori col legno. 34 E el ghe ga dato la capassità de insegnar a lu e anca a Ooliabe, fiol de Aisamache, dela tribo de Dan. 35 E el ghe ga dato la capassità de far tuti i tipi de bei laori cole man, de far desegno, laorar i fili par far pani e de bordar col fil asul, cola lana viola, col fil scarlate e con un bon lin. Questi òmini i ndarà far tuti i tipi de laori e pareciar tuti i tipi de progeti.