Efesi

2 Anca, Dio el ve ga dato la vita, ancora che valtri eri morti par causa dei vostri sbali e pecati. 2 Par un tempo, la vostra maniera de viver la era come quela del mondo, de acordo col governante dela autorità del ària, el spìrito che l’è drio influensar le persone desobediente. 3 Quando èrino insieme a lore, le nostre assion le era de acordo cole nostre voie sbaliade e feino tuto quel che el corpo e la mente i volea. Par quela, noantri meriteino la ràbia de Dio, compagno i altri. 4 Ma Dio el ga tanta misericòrdia e, par causa del grando amor che el ga par noantri, 5 lu el ne ga dato la vita insieme col Cristo, anca quando èrino morti par causa dei nostri pecati. Valtri sì stati salvi gràssie ala granda bontà de Dio. 8 Valtri, che gavé fede, sì stati salvadi par via dela so maraveiosa bontà. E nò par via de quel che valtri gavé fato, ma parché l’è un presente de Dio. 9 No sì mia stati salvadi par le vostre òpere, e alora nissuni ga de sprosiarse. 12 In quel tempo valtri eri sensa Cristo, spartidi dela nassion de Israel e eri come stranieri che no i cognossea mia el acordo dela promessa. No gavei mia speransa e eri sensa Dio nel mondo. 17 E lu l’è vegnesto e el ga proclamà le bone notìssie de pace a valtri, che eri distante, e anca a quei che i era darente.