Giona

3 Alora, Giona el ga ricevesto el messàgio de Geovà par la seconda volta, che el disea: 2 “Va ala granda cità de Nìnive e proclama el messàgio che mi vao dirte.” 3 Cossita, Giona el ga obedio la òrdine de Geovà e l’è ndato suito a Nìnive. La cità la era tanto granda che ghe metea tre giorni par caminar del scomìnsio al fin. 4 Alora, Giona l’è ndà rento la cità e el ga caminà par un giorno. E el disea a voce alta: “Ancora 40 giorni e Nìnive la sarà finida fora.” 5 I òmini de Nìnive i ga mostrà fede in Dio. Alora, i ga proclamà un giegiun e i se ga vestio de strasson, i pi grandi fin i pi pìcoli. 8 Tuti i ga de querserse con strassoni, le persone e anca le bèstie. I ga de domandar a Dio con tuta la so forsa, e i ga de assar de banda la violensa e le brute cose che i fà. 9 Sarà che el vero Dio no’l ndarà cambiar la so dessision e assar de banda la so ràbia, cossita no moriremo?” 10 El vero Dio el ga visto quel che lori i gavea fato, che i gavea assà de banda le cose brute che i fea. Alora, Dio el ga cambià la so dessision e no ghe ga portà la calamità che el gavea dito vanti.