Luca

18 Dopo, el ghe ga contà una stòria par mostrar che i gavea bisogno de pregar sempre e mai fermarse. 2 El ga dito: “Nte una cità, ghen’era un giuis che no’l gavea rispeto par Dio e par nissuni. 3 Anca in quela cità ghen’era una védova che la seitea ndar fin lu e la ghe disea: ‘Fà giustìssia par mi parché go un che l’è contra mi.’ 4 Par un tempo, lu no’l volea far gnente, ma dopo el ga pensà: ‘Mi no go rispeto par Dio e par nissuni. 5 Ma questa védova no la se ferma de disturbarme. Alora farò giustìssia par ela e cossita no la seitarà a vegner disturbarme fin che no sarò pi bon de soportar.’ 6 El Signor el ga dito: “Gavé scoltà quel che el giuis el ga dito, se anca lu no’l fusse giusto? 7 Sarà che Dio no’l farà giustìssia con quei che el ga scoliesto? Lori i lo ciama di e note e lu l’è passiente con lori. 8 Mi ve digo: Dio el farà che suito sìpia fata giustìssia par lori. Ma quando rivarà el Fiol del omo, sarà che el catarà persone sora la tera con questa fede? 9 Lu el ga contà anca questa ilustrassion a arquanti che i pensea che i fea tuto polito e che i altri no i valea gnente: 10 “Due òmini i ze ndati su al témpio par pregar: un l’era fariseo e quelaltro el tolea su imposti. 11 El fariseo l’è restà in pié e el ga scominsià a pregar nel so cuor: ‘Ò Dio, mi te ringràssio che no son come tuti i altri che i ze ladroni, ingiusti, adulteri e gnanca come questo omo che el tol su imposti. 12 Fao gegiun due volte par stimana e dao la dèssima parte de tuto quel che guadagno.’ 13 Ma quel che el tolea su imposti l’era distante de lu e no l’era gnanca bon de vardar in su. Ma el se batea nel peto e el disea: ‘Ò Dio, gàpia misericòridia de mi parché mi son un pecador.’ 14 Mi ve digo che questo omo, quando l’è ndato do casa, el ga fato pi polito che quel fariseo. Parché quel che el vol esser pi importante el sarà umilià, ma quel che l’è ùmile el sarà fato importante.” 18 E un dei lìderi dei giudei el ghe ga domandà: “Bon istrutor, cossa che me toca far par gaver la vita eterna?” 21 Alora el omo el ghe ga dito: “Son drio far tuto questo de quando ero ben giòveno.” 22 Dopo che lo ga scoltà, Gesù el ghe ga dito: “Ghen’è ancora una roba che te manca far: vendi tuto quel che te ghè, daghe i soldi ai poareti e cossita te gavarè un tesoro nel cielo. Dopo, vien e sìpia me dissìpolo.” 23 Quando el ga capio quel che Gesù el ga dito, lu l’è restà pròpio disgustà parché l’era tanto sior. 29 E Gesù el ghe ga dito: “Mi ve garanto che quel che el ga assà indrio casa, sposa, fradei, pare e mare o fioi par causa del Regno de Dio 30 el ndarà ricever tante volte de pi adesso e el ndarà ricever la vita eterna nel mondo che el ga de vegner.” 35 Quando Gesù l’era drio rivar a Gericò, un omo orbo l’era sentà do drio la strada e domandea soldi. 36 Lu el ga scoltà una mucia de gente e el ga domandà cossa che l’era drio suceder. 37 E i ghe ga dito: “Gesù, de Nasarè, l’è drio passar!” 38 Par causa de questo el ga osà: “Gesù, Fiol de Davi, gàpia misericòrdia de mi!” 39 E quei che i era davanti i ga proà fermarlo, drio dir che el tasesse, ma el osea ancora de pi: “Fiol de Davi, gàpia misericòrdia de mi!” 40 Alora, Gesù el se ga fermà e el ghe ga dito a lori che i ghe portesse el omo fin lu. Quando el omo l’è rivà darente, Gesù el ghe ga domandà: 41 “Cossa vuto che fao par ti?” Lu el ghe ga dito: “Signor, fame veder nantra volta.” 42 Alora, Gesù el ghe ga dito: “Torna a veder. La to fede la te ga fato restar bon.” 43 E suito l’è tornà a veder e el ga scominsià a ndarghe drio a Gesù e a dar glòria a Dio. E anca tute le persone che le ga visto quel che ga sucedesto le ga lodà a Dio.