Lori i ga catà una cosa meio

MILIONI de persone che le vol obedir a Dio no le selebra el Nadal. Sarà che lore le se ciama grame de questa dessision? Lore le cata che le ze drio perder qualcossa? Come che i so fioi i se sente? Varda cossa che le Testimònie de Geovà de arquante parte del mondo le dise.

Ricordarse de Gesù Cristo: “Vanti de esser una Testimònia de Geovà, mi quasi no ndea ala ciesa. In verità, mi sol ndea nel giorno de Nadal o nela Pàscoa. E intanto che mi era là, mi no pensea in Gesù Cristo. Ancoi, mi no selebro mia el Nadal, ma vao ntele riunion due volte par stimana e insegno i altri cossa che la Bìblia la dise sora Gesù!” — EVE, AUSTRÀLIA.

Son contento de dar: “Resto felice quando guadagno un presente che no son drio spetar. Me piase tanto de una sorpresa! Anca me piase far cartoni e desegni par dar ale altre persone. Cossita lore le resta contente e anca mi.” — REUBEN, IRLANDA DEL NORD.

Giutar quei che ghe ocore: “Ne piase pareciar un magnar par qualchedun che l’è malà. Ghe porto anca un fior, un bolo o altro presente, cossita la persona la resta contenta. Restemo felici parché podemo visitar le persone qualche giorno del ano.” — EMILY, AUSTRÀLIA.

Esser insieme dela fameia: “Quando restemo tuti insieme, i nostri fioi i ga la oportunità de cognosser meio i altri dela fameia nte un posto pi tranquilo. No ghe ocore gaver un feriado par la nostra fameia restar tuta insieme. Par quela, no restemo preocupadi, i nostri parenti i sà che ndemo visitarli qualche giorno del ano, parché li amemo.” — WENDY, ÌSOLE CAIMÀN.

Pace: “Nei giorni darente el Nadal, le persone le ga tante cose da far. Par quela lore no le ze bone de pensar in pace. Adesso, me sento pi tranquila parché go imparà quel che Dio el promete par le persone. Ancoi mi sò che i me fioi i gavarà un futuro felice.” — SANDRA, SPAGNA.