La to bona atitùdine la pol dar boni resultadi

Quando le spose le dà un bon esémpio lore le pol giutar i so sposi a acetar la verità. Ma, par far questo, fursi le spose le ga de perseverar e infrontar dificoltà par tanti ani. (1 Piero 2:21-23; 3:1, 2) Se ti te sì drio infrontar questa situassion, seita a vinser el mal col ben. (Romani 12:21) Fursi el to sposo no’l vol mia scoltar quando te parli sora Geovà, ma quando lu el vede el to bon esémpio, pol esser che lu el cambiarà la so maniera de pensar.

Proa capir cossa che el to sposo el sente o el pensa. (Filipensi 2:3, 4) Mostra empatia e compassion, e sfòrsate par esser una bona sposa. Scolta sempre el to sposo. (Tiago 1:19) Sìpia passiente e faghe veder che ti te lo ami. Anca se el to sposo no’l te trata ben e no’l ga rispeto par ti, ti te pol esser sicura che Geovà el te ama e el ghe dà valor al to bon esémpio. — 1 Piero 2:19, 20.

VARDA EL VÌDEO GEOVÀ EL NE DÀ FORSA PAR INFRONTAR QUALCHE PROBLEMA, E DOPO RISPONDI A QUESTE DOMANDE:

• Come che la era la vita de Grace Li pena che la se ga maridà?

• Parché che Grace Li la ga bio interesse par le verità dela Bìblia?

• Che dificoltà ela la ga bio de infrontar dopo che la se ga batesà? Cossa che la ga fato par perseverar?

• Cossa che ela la ga domandà in orassion par Geovà?

• Che benedission la sorela Grace Li la ga ricevesto par causa dela so bona atitùdine e profondo rispeto?