Gesù “el ga imparà a esser obediente”

Gesù el ga sempre obedio a Geovà. (Gio. 8:29) Ma, parché la Bìblia la dise che lu “el ga imparà a esser obediente par via de quel che el ga sofrio”? — Ebr. 5:8.

La vita de Gesù qua nela tera la ze stata difarente de quando l’era nel cielo. Par esémpio, i so genitori i amea a Geovà ma i era imperfeti. (Luc. 2:51) Lu l’è stà maltratà par lìderi religiosi e par governanti rugni. (Mat. 26:59; Mar. 15:15) Gesù anca el se ga “umilià e l’è restà obediente fin ala morte, sì, la morte nte un pal de tortura”. — Fil. 2:8.

Alora, Gesù el ga imparà a obedir a Geovà in situassion difarente de quando l’era nel cielo. Cossita, lu l’è un Rè e Somo Sasserdote che pol capirne del bon. (Ebr. 4:15; 5:9) Dopo tuto quel che Gesù el ga infrontà, Geovà el ghe dà ancora pi valor al so Fiol. Anca noantri volemo far come Gesù. Volemo seitar a obedir a Geovà anca quando l’è fadiga. Cossita, Geovà el ne volerà tanto ben e el seitarà a doperarne in tuti i laori che ghe ocore. — Tia. 1:4.