Adoré a Geovà come fameia

In questa revista, gavé visto che nela Bìblia ghen’è tanti prinsipi che i pol giutar valtri e la vostra fameia. Geovà el vol che sé felici. Lu el promete che se meté la so adorassion al primo posto, “tute le altre robe le ve sarà date”. (Mateo 6:33) Lu el vol pròpio che sé so amighi. Doperé tute le oportunità par far pi forte la vostra amicìssia con Geovà. L’è el pi grando privilègio che podemo gaver. — Mateo 22:37, 38.

1 FÉ PI FORTE LA VOSTRA RELASSION CON GEOVÀ

COSSA CHE LA BÌBLIA LA DISE: “‘Mi deventarò come un Pare, e valtri saré come fioi e fiole’, el ga dito Geovà.” (2 Corinti 6:18) Geovà el vol che deventé so amighi. Una maniera de farlo l’è pregar a Lu. Geovà el ne fà questo convite: “Preghé sempre.” (1 Tessalonissensi 5:17) Lu el vol saver tuto quel che pensé e tute le vostre paure. (Filipensi 4:6) Se preghé insieme con quei dela vostra fameia, lori i capirà quanto Dio l’è real par valtri.

Gavè de parlar con Dio, ma anca scoltarlo. Podé far questo quando studié la Bìblia e le publicassion che le ga fondamento nela Bìblia. (Salmo 1:1, 2) Penséghe sora quel che sé drio imparar. (Salmo 77:11, 12) Par scoltar a Dio, gavé de assister ale riunion dele Testimònie de Geovà. — Salmo 122:1-4.

Nantra maniera importante par far pi forte la vostra relassion con Geovà l’è parlar ai altri sora de Lu. Quanto de pi fé questo, tanto de pi ve sentiré darente de Lu. — Mateo 28:19, 20.

COSSA CHE PODÉ FAR:

• Ciapé tempo tuti i giorni par leder la Bìblia e pregar a Dio.

• Come fameia, dé pi valor ale robe spirituai che nò ala diversion.

2 GA DE PIASERVE ADORAR A GEOVÀ COME FAMEIA

COSSA CHE LA BÌBLIA LA DISE: “Rivé darente de Dio, e lu el rivarà darente de valtri.” (Tiago 4:8) L’è importante che gavé una programassion regolar par la adorassion in fameia. (Génesi 18:19) Ma questo no’l basta. Dio el ga de far parte dela vostra vita de tuti i giorni. Parlar sora Dio ‘quando ve senté nela vostra casa e quando ndé par la strada e quando ve buté do e quando ve levé su’ fà pi forte la vostra relassion con Dio. (Deuteronómio 6:6, 7) Fé compagno de Giosuè, che el ga dito: “Mi e la me fameia serviremo a Geovà.” — Giosuè 24:15.

COSSA CHE PODÉ FAR:

• Gavé de seghir una bona programassion che la tende dele nessessità de tuti quei che i fà parte dela fameia.