Come che Geovà l’è?

Par ti, come che Geovà l’è? Fursi te cati che lu l’è tanto poderoso e che mai te podarè esser so amigo. O fursi te pensi che Dio l’è sol una forsa poderosa dela naturesa, sensa sentimenti. Ma la Bìblia la parla de arquante qualità de Geovà e anca la parla che lu el tende de noantri.

1. Parché che no podemo veder a Dio?

La Bìblia la dise in Gioani 4:24: ‘Dio l’è spìrito.’ Geovà l’è un spìrito e el vive nel cielo. Alora, no podemo mia vederlo parché lu no l’è de carne e osso come noantri.

2. Che bele qualità Geovà el ga?

Noantri no podemo mia veder a Geovà. Ma quando imparemo de pi sora lu, vedemo che lu l’è una persona e nò una forsa e che el ga bele qualità. La Bìblia la dise che Geovà el ama la giustìssia e no’l abandonarà quei che i ze leai a lu. (Salmo 37:28) Lu el ga anca compassion e misericòrdia, o sia, ghe fà pecà veder le persone sofrir. (Tiago 5:11) Geovà l’è darente de quei che i ze drio sofrir e lu el giuta a quei che i ze desanimadi. (Salmo 34:18, nota) Geovà anca l’è atento a quel che femo. Come cossita? Se femo robe sbaliade, Geovà el resta disgustà. (Salmo 78:40, 41) Ma Geovà el resta contento quando femo polito. — Ledi Proverbi 27:11.

3. Come che savemo che Geovà el ne ama?

La pi importante qualità de Geovà la ze el amor. La Bìblia la dise che “Geovà l’è amor”. (1 Gioani 4:8) Quel che el ga scrito nela Bìblia e quel che el ga creà i ne assa sicuri che lu el ne ama. (Ledi Ati 14:17.) Par esémpio, lu el ne ga creà cola capacità de veder bei colori, scoltar mùsiche e gòderse col magnar. Lu el vol che semo tanto felici.

IMPARA DE PI!

4. El spìrito santo l’è la forsa che Dio el dopera par far quel che lu el vol

Quando ndemo far un laoro, noantri doperemo le man. E Geovà, cossa lu el dopera? Lu el dopera el so spìrito santo. Ma cossa che l’è el spìrito santo? Tante persone le pensa che el spìrito santo l’è una persona, ma la Bìblia la parla che el spìrito santo l’è la forsa che Dio el dopera par far quel che el vol. Ledé Luca 11:13 e Ati 2:17, e dopo, parlé sora questo:

• Noantri ghemo visto nel testo che, se domandemo el spìrito santo a Geovà, lu el ndarà darne. Alora, sarà che el spìrito santo l’è Dio o quel che Dio el dopera par far quel che el vol? Parché che te pensi cossita?

Geovà el dopera el so spìrito santo par far robe tanto bele. Ledé Salmo 33:6 e 2 Piero 1:20, 21, e dopo, parlé sora questo:

• Geovà el ga doperà el so spìrito santo par far che robe?

5. Geovà el ga bele qualità

Moisè l’era un servo fedele de Dio, e lu el volea imparar cada volta de pi sora Dio. Par quela che lu el ga domandà che Geovà lo giutesse a cognosserlo meio. (Ésodo 33:13) Alora, Geovà el ga parlà a Moisè arquante qualità che lu el ga. Ledé Ésodo 34:4-6, e dopo, parlé sora questo:

• Che qualità de Geovà Moisè el ga imparà?

• Che qualità de Geovà te piase de pi?

6. Geovà el se preocupa cole persone

I ebrei i era el pòpolo de Dio nel passà e lori i ze deventadi schiavi nel Egito. Come che Geovà el se sentia de vederli tribolar? Scolté el ÀUDIO e vardé insieme cola Bìblia, o ledé Ésodo 3:1-10. Dopo, parlé sora questo:

ÀUDIO: Geovà el se importea del sofrimento de lori (2:45)

• Come che Geovà el se sente de veder le persone sofrir? (Vedé i versìcoli 7 e 8.)

• Te pensi che Geovà el vol pròpio giutar le persone? Pénsito che el ga poder par far questo? Parché che te pensi cossita?

7. Vedemo le bele qualità de Geovà in quel che lu el ga creà

Podemo imparar de pi sora le qualità de Geovà quando vedemo le robe che Dio el ga creà. Vardé el VÌDEO. Dopo ledé Romani 1:20, e parlé sora questo:

VÌDEO: Nela creassion, podemo veder el amor de Geovà — Nel corpo umano (1:57)

• Che qualità de Geovà sito bon de veder nele robe che lu el ga creà?

COSSA CHE TE GHÈ IMPARÀ?

Geovà l’è spìrito, par quela che no podemo mia vederlo. Lu el ga tante bele qualità e la pi importante la ze el amor.

Sito bon de ricordarte?

• Parché che no podemo veder a Geovà?

• Cossa che l’è el spìrito santo?

• Che qualità Geovà el ga?

VUTO SAVER DE PI?

Impara de pi sora le quatro pi importante qualità che Geovà el ga.

“Come elo Dio?” (La Sentinela No. 1 de 2019)

Come che te pol esser sicuro che Geovà no l’è una forsa che la ze in tuti i posti?

“Dio l’è in tuti posti al medèsimo tempo?” (Varda nel jw.org)

Parché che la Bìblia la dise che el spìrito santo l’è come se fusse le man de Dio?

“Cossa l’è el spìrito santo?” (Varda nel jw.org)

Un omo che l’è orbo el pensea che Dio no’l se preocupea con lu. Cossa che lo ga fato cambiar de idea?

“Adesso mi posso giutar i altri” (La Sentinela, 1 de otobre de 2015)