Loda a Geovà servindo come pioniero

I israeliti i gavea tanti motivi par lodar a Geovà. Lu el gavea libertà i israeliti del Egito e li gavea salvadi del esèrsito de Faraò! (Éso. 15:1, 2) Geovà el ga seità a far bone robe par el so pòpolo. Come che podemo dimostrar gratitùdine par tuto quel che Geovà el fà par noantri? — Sal. 116:12

Una maniera l’è servindo come pionieri ausiliari o regolari. Te pol pregar a Geovà par darte la voia e la forsa par esser un pioniero. (Fil. 2:13) Tanti i scomìnsia a servir come pionieri ausiliari. Te pol scòlier de far 30 o 50 ore nei mesi de marso e april e nel mese dela vìsita del superintendente de sircuito. Dopo de sentir la alegria de servir come pioniero ausiliar, magari te vegnarà la voia de servir come pioniero regolar. Ghen’è fradei che i serve come pionieri regolari che i ga difarente situassion. Par esémpio, tanti pionieri regolari i laora tuta la giornada o i ga problemi de salute. (Apostila 07/16 pàg. 8) Sicuro che Geovà el mèrita tuti i sforsi che femo par lodarlo! — 1 Cró. 16:25

VARDA EL VÌDEO TRE SORELE DELA MONGÒLIA, E DOPO RISPONDI A QUESTE DOMANDE:

• 

  Che dificoltà le tre sorele le ga bio de infrontar par servir come pioniere?

• 

  Che benedission lore le ga ricevesto?

• 

  Dopo che lore le ze deventade pioniere, che altre oportunità le ga bio nel servìssio de tempo integral?

• 

  Come che el so esémpio el ga motivà altri?