Cossa che pol giutarte a leder la Bìblia tuti i giorni?

Gheto tante robe de far che l’è fin fadiga torte el tempo par leder la Bìblia tuti i giorni? (Gios. 1:8) Alora, proa meter in pràtica questi consili:

• Dopera qualcossa che te giute a ricordarte. Te pol meter el to telèfono par sonar nela ora che te ghè pensà de leder la Bìblia.

• Assa la to Bìblia nte un posto che te sì bon de vederla. Se te ledi la Bìblia in papel, te pol assarla ndove sarà pi fàcile vederla sempre. — Deu. 11:18.

• Proa scoltar la gravassion dela Bìblia. Te pol scoltar la letura dei testi dela Bìblia intanto che te sì drio i to afari casa. Tara, una pioneira che la ga fioi e la laora de note, la ga dito: “Scoltar la letura dela Bìblia intanto che son drio i afari casa me giuta a lederla tuti i giorni.”

• No stà mai desister. Se nte un giorno, ­qualcossa te intriga de leder la Bìblia nela ora che te ghè pensà, proa leder al manco arquanti versìcoli prima de ndar in leto. Leder la Bìblia tuti giorni ndarà giutarte tanto, anca se te ledi sol un tocheto. — 1 Pie. 2:2.