Le persone le ze drio perder la confiansa nei polìtichi — Cossa la Bìblia la dise?

Nel ano de 2024 ghen sarà el pi grando nùmero de eleission in tuto el mondo. Ma tante persone le ze drio perder la confiansa nei polìtichi.

• Nte una peschisa, la pi granda parte dei americani i ga dito che “tanti polìtichi no i ga la voia de giutar le persone, ma le so motivassion le ze egoìste”.a — Sentro de Peschise Pew, 19 de setembre de 2023.

Tanti gióveni anca i ga poca confiansa nei polìtichi.

• “Tante volte i gióveni i ze preocupadi coi problemi del mondo, ma nele peschise i dise che i polìtichi no i ze intesi con lori nele so preocupassion.” — The New York Times, 29 de genaro de 2024.

• “Una peschisa la mostra che i gióveni i se fida de pi nei youtubers che nei polìtichi.” — The Korea Times, 22 de genaro de 2024.

Sarà che podemo fidarse che i polìtichi i ne giutarà a gaver un futuro meio? In chi podemo fidarse?

Tendi in chi ti te te fidi

L’è giusto che le persone le sìpie atente in chi lore le se fida. La Bìblia la dise che “el bauco el crede in tuto quel che i ghe dise, ma el sàbio el pensa ben vanti de far qualcossa.” — Proverbi 14:15.

• Par giutarte a saver se le informassion che te riceve le ze giuste, ledi el artìcolo “Como se proteger de informações falsas.”

Anca i polìtichi pi onesti e con bona motivassion no i pol far tuto quel che lori i vol. Par quela che la Bìblia la ne dà questo consìlio:

• ‘No sté fidarve nei prìnsipi, gnanca nei fioi dei òmini, che no i pol salvarve.’ — Salmo 146:3.

Un lìder che te pol fidarte

La Bìblia la spiega che Dio el ga scoliesto un lìder che podemo fidarse del tuto e che el ga de pi capassità: Gesù Cristo. (Luca 1:32, 33) Gesù l’è el rè del Regno de Dio, un governo che el governarà del cielo. — Mateo 6:10.

• Impara parché che ti te pol fidarte in Gesù e cossa che lu el ndarà far par risolver i problemi che infrontemo. Ledi i artìcoli “Quem é o Rei do Reino de Deus?” e “O que o Reino de Deus vai fazer no futuro?”