Gesù el finirà fora cole guere

Quando l’era qua ntela Tera, Gesù el ga mostrà tanto amor par le persone. Lu el ga fin dato la so vita par salvarle. (Mateo 20:28; Gioani 15:13) Suito, lu el ndarà mostrar nantra volta el so amor par le persone quando el ndarà doperar la so autorità come Rè del Regno de Dio. Lu el ‘finirà fora con tute le guere che ghen’è nela tera’. — Salmo 46:9.

Varda cossa che la Bìblia la dise che Gesù el farà:

• “Parché lu el giutarà i poareti che i fà sùplica par aiuto, el salvarà i ùmili e tuti quei che ghe ocore de aiuto. El ùmile e el poareto i ndarà farghe pecà, e el ndarà salvar la vita dei poareti. Lu li liberarà dele persone rugne e violente, e el sangue de lori el sarà pressioso par lu.” — Salmo 72:12-14.

Come che podemo mostrar che semo grati par tuto quel che Gesù el ga belche fato e ancora el ndarà far par noantri? Una roba che podemo far l’è imparar de pi sora “le bone notìssie del Regno de Dio” che Gesù el predichea. (Luca 4:43) Par saver de pi, ledi el artìcolo “O que é o Reino de Deus?”