La guera intrà Israel e altri paesi — Cossa la Bìblia la dise?

Tanti i ze preocupadi cola guera che la ze drio suceder intrà i Stati Unidi, Israel e Iran. Sarà che questa guera la vegnarà ancora pi granda? Sarà che i governi i ze boni de fermarla e far che ghen sìpia pace in tuto el mondo?

Tanti che i lede la Bìblia fursi i pensa che, par causa de questa guera, vegnarà el Armagedon, che se parla nel libro de Apocalisse.

Cossa la Bìblia la dise?

Sarà che i governi i finirà cola guera intrà Israel e altri paesi?

La Bìblia la dise: ‘No sté fidarve nei governanti, gnanca nei òmini. Lori no i pol darve la salvassion.’ — Salmo 146:3.

No savemo se i governanti i sarà boni de finir con questa guera. Ma la Bìblia la dise che gnanca un governante, polìtico o grupo de persone pol finir cole guere e dar pace a tuti. Sol Dio el pol “finir fora con tute le guere che ghen’è nela tera”. — Salmo 46:9.

• Par saver de pi, ledi La Sentinela “O fim das guerras — Como?”

Sarà che la guera intrà Israel e altri paesi la fà parte de una professia?

La Bìblia la dise: “Valtri scoltaré parlar de guere e notìssie de guere . . . Nassion se levarà su contra nassion e regno contra regno.” — Mateo 24:6, 7.

La guera intrà Israel e altri paesi la ze nantra prova che semo drio viver nel “fin del sistema de cose” e “nei ùltimi giorni”. (Mateo 24:3; 2 Timòteo 3:1) Le guere che vedemo ancoi le mostra che suito Dio el finirà cole guere e altri problemi che ghen’è nel mondo.

• Par saver de pi, ledi el artìcolo “Cossa l’è el segnal dei ‘ùltimi giorni’ o del ‘fin dei tempi’?”

Sarà che el Armagedon el scominsiarà darente Israel?

La Bìblia la dise: I rè i ze stati riunidi “nel posto che in ebraico se ciama Armagedon”. — Apocalisse 16:16.

La guera del Armagedon no la ze una guera intrà i governanti che scomìnsia darente Israel. Invesse, sarà una guera intrà tuti i governanti del mondo e Dio.

• Par saver de pi, ledi el artìcolo “Cossa che la ze la guera del Armagedon?”

Cossa che pol giutarne a restar tranquili?

La Bìblia la dise: “No sté preocuparve de gnente, ma domandé el aiuto de Dio in tute le cose par meso de orassion e sùpliche, insieme a ringrassiamento.” — Filipensi 4:6.

Geovàa Dio el vol che preghemo a lu, parché el scolta le nostre orassion, el tende de noantri e el ne giuta a darghene fora cola ansietà. (1 Piero 5:7) Dio el ne giuta a capir nò sol parché che ghen’è guere nel mondo, ma come che el ndarà finir fora cole guere e con tuto el sofrimento. — Apocalisse 21:3, 4.

• Par saver de pi sora come che Dio el ne giuta, ledi el artìcolo “Posso encontrar palavras de consolo na Bíblia?”