Nota

b (Daniel 4:10-17) “‘Nele vision che go bio intanto che ero butà do in leto, go visto una pianta in meso la tera, e la era tanto granda. ¹¹ La pianta la ze vegnesta granda e forte fin che la ze rivada al cielo, e tuti nela tera i era boni de vederla. ¹² La gavea bele foie, tanti fruti e magnar par tuti. Le bèstie de mato le restea soto la so ombria e i osei i vivea nei so rami, e tute le persone e le bèstie le magnea dei so fruti. ¹³ “‘Nel me leto, intanto che gavea le vision, go visto un vigilante, un santo, che l’era drio vegner do del cielo. ¹⁴ Lu el ga osà con forsa: “Buté do la pianta, taié i so rami, fé cascar do le so foie e spaié i so fruti! Fé le bèstie scampar via de soto dela pianta e i osei dei so rami. ¹⁵ Ma assé la soca e le radise nela tera, con serci de fero e de rame, in meso el mato. El sguasso dei cieli la bagnarà e la restarà cole bèstie de mato ¹⁶ Cambié el so cuor. Invesse de un cuor umano, déghe un cuor de bèstia. E sete tempi i ga de passar sora ela. ¹⁷ Questo l’è un comandamento dei vigilanti e quei che i lo dise ze i santi. Cossita, tuti quei che i vive i ga de saver che el Altìssimo l’è el Governante nel regno dela umanità. Lu lo dà a chi el vol, e el mete fin el omo pi ùmile par governarlo.”