Nota

f (Daniel 2:31-35) “Ò rè, nela vision, te ghè visto una stàtua tanto granda. Questa stàtua che la era tanto granda e che la slusea la era davanti de ti e la fea paura. ³² La testa dela stàtua la era de oro puro, el peto e i brassi i era de argento, la pansa e la parte de sora dele gambe le era de rame, ³³ le gambe le era de fero e i pié i era parte de fero e parte de baro. ³⁴ Intanto che te eri drio vardar, un sasso l’è stà taià via de un monte, sensa esser stà una persona a taiarlo. El sasso l’è vegnesto contra i pié dela stàtua che i era de fero e baro, e li ga fati a tochi. ³⁵ Alora, el fero, el baro, el rame, el argento e el oro i ze stati fati a tochi nte un sol colpo e i ze restadi come la paia che la zola nei campi nel istà. El vento li ga portà via e no se podea pi catarli. Ma el sasso che l’è vegnesto contra la stàtua l’è deventà un grando monte e el ga querto tuta la tera.