Nota

d (Luca 12:15-21) Alora, lu el ghe ga dito: “Mantegné i oci verti e sté atenti a tuti i tipi de ganànsia. Parché anca quando qualchedun el ga tante robe, la so vita no la vien de quel che el ga.” ¹⁶ E el ghe ga contà una stòria: “La tera de un omo sior la ga produsio tanto. ¹⁷ Par quela el ga scominsià a pensar cossita: ‘Cossa fao adesso che no go ndove meter via quel che togo su dele me racolte?’ ¹⁸ Lu el ga dito: ‘Vao far cossita: Trao do i posti ndove meto via i grani, e fao su altri pi grandi par starghe rento tuti i grani e tuto quel che mi go. ¹⁹ E vao dir a mi stesso: “Te ghè tante robe bone meteste via par tanti ani. Riposa, magna, bevi, gòdete.’” ²⁰ Ma Dio el ghe ga dito: ‘Sensa giudìssio! Questa note te vè morir. Alora, chi che va gaver le cose che te ghè imucià?’ ²¹ Cossita sucede cola persona che la imùcia su richesse par ela stessa, ma no la ze siora ai oci de Dio.”