(Levìtico 7:11, 12) “‘Questa la ze la lege del sacrifìssio de pace che se pol far a Geovà. 12 Se qualchedun lo fà come una oferta par ringrassiar, quando lu el dà el sacrifìssio de ringrassiamento, lu el darà insieme pan in forma de anel fato con òio e sensa levà, pan schissà sensa levà, ontadi con òio, e pan in forma de anel fati con una bona de una farina, smissiada e impastada con òio.

(Levìtico 7:13-15) Lu el farà questa oferta insieme coi pan in forma de anel, fati con levà, e col sacrifìssio de pace che l’è dato come oferta par ringrassiar. 14 Lu el ga de dar un pan de cada tipo come parte sacra data par Geovà. Questa parte la sarà del sasserdote che el sgossarà el sangue dei sacrifissi de pace. 15 Nel medèsimo giorno che se fà la oferta, se ga de magnar la carne del sacrifìssio de pace che se dà come oferta par ringrassiar. Lu no’l ga de meter via gnanca una parte dela carne fin la matina dopo.