Come che Gesù l’è?

Quando studiemo sora quel che Gesù el ga dito e el ga fato qua nela Tera, imparemo dele so bele qualità. Queste qualità le ne giuta a esser amighi de Geovà e de lu. Ma quale che le ze arquante dele bele qualità de Gesù, e come che podemo far compagno a lu?

1. Come che Gesù l’è compagno al so Pare Geovà?

Gesù el ga vivesto bilioni de ani insieme col so Pare nel cielo, e el ga imparà tanto con lu. Par quela che Gesù l’è bon de pensar, far e sentir le medèsime robe che Geovà. (Ledi Gioani 5:19.) Gesù el fà compagno a so Pare, par quela che el ga dito: ‘Quel che el ga visto a mi el ga visto anca al Pare.’ (Gioani 14:9) Alora, quando cognossemo de pi le qualità de Gesù, cognossemo de pi a Geovà. Par esémpio, podemo esser sicuri che Geovà el se preocupa con noantri parché Gesù el se preocupea tanto cole persone.

2. Come Gesù el ga mostrà che el ama so Pare?

Gesù el ga dito: ‘Fao come el Pare el me ga mandà par far el mondo saver che mi lo amo.’ (Gioani 14:31) Quando Gesù l’era qua nela Tera, lu sempre el obedia a Geovà, anca quando l’era fadiga. Gesù el ghe piasea tanto de parlar sora el so Pare e giutar i altri a esser amighi de lu. — Gioani 14:23.

3. Come Gesù el ga mostrà che el ama le persone?

La Bìblia la dise che Gesù el ghe vol tanto ben ale persone. (Proverbi 8:31) Par esémpio, quando l’era qua nela Tera, sempre el parlea e el fea robe par giutar le persone. Quel che lu el parlea dea tanto consolo e speransa a quei che i volea scoltarlo. Gesù el ga fato tanti miràcoli che i ga mostrà el so poder, ma i ga anca mostrà che le persone le ghe fea pecà. (Marco 1:40-42) Lu el tratea tute le persone compagno e sempre le tratea con bontà. Gesù anca el ga mostrà che el ne ama parché el ga sofrio e el ga dato la so vita par noantri. E lu el ghe vol tanto ben a quei che i obedisse a quel che lu el ga insegnà. — Ledi Gioani 15:13, 14.

IMPARA DE PI!

4. Gesù el ama so Pare

El esémpio de Gesù el ne insegna come mostrar el nostro amor a Geovà. Ledé Luca 6:12 e Gioani 15:10; 17:26. Dopo de leder cada testo, parlé sora questo:

• Come podemo far compagno a Gesù e mostrar che amemo a Geovà?

6. Gesù el restea contento de spartir quel che el gavea coi altri

Anca che Gesù no’l gavesse tante robe, lu el spartia quel che el gavea coi altri. Lu el ne dise de far compagno. Ledé Ati 20:35, e dopo, parlé sora questo:

• De acordo cole parole de Gesù, cossa che ne assarà contenti?

Vardé el VÌDEO, e dopo, parlé sora questo.

VÌDEO: “Ghen’è de pi felicità in dar che in ricever” (4:00)

• Anca se no ghemo tante robe, come podemo spartir quel che ghemo coi altri?

Seto questo?

La Bìblia la dise che ghemo de pregar a Geovà par meso de Gesù. (Ledi Gioani 16:23, 24.) Quando femo questo, mostremo che demo valor a quel che Gesù el ga fato par noantri esser amighi de Geovà.

COSSA CHE TE GHÈ IMPARÀ?

Gesù el ama a Geovà e ale persone. Lu anca el fà compagno a Geovà. Alora, quando te cognossi de pi a Gesù, te cognossi ancora meio a Geovà.

Sito bon de ricordarte?

• Come podemo amar a Geovà compagno a Gesù?

• Come podemo amar le persone come Gesù el ama?

• Che qualità de Gesù te ga piasesto de pi?

VUTO SAVER DE PI?

Varda arquante qualità de Gesù che anca noantri podemo gaver.

“Fà compagno Gesù” (Gesù — la Strada, la Verità e la Vita, pàgina 317)

Parché che ghemo de pregar par meso de Gesù?

“Parché che ghemo de pregar par meso del nome de Gesù?” (La Sentinela, 1 de febraro de 2008)

Come che Gesù l’era? Varda cossa che la Bìblia la dise.

“Come che la era la aparensa de Gesù?” (Varda nel jw.org)

Cossa che imparemo dela maniera che Gesù el tratea le done?

“Dio el rispeta e el ghe dà valor ale done” (La Sentinela, 1 de setembre de 2012)