Parché le Testimònie de Geovà no le selebra la Pàscoa?
Robe che le persone le dise sora noantri
Quel che i dise: Le Testimònie de Geovà no le selebra mia la Pàscoa parché no le ze cristiane.
La verità: Credemo che Gesù Cristo l’è el nostro Salvador, e femo el nostro meio par ‘ndarghe drio el so esémpio’. — 1 Piero 2:21; Luca 2:11.
La verità: Noantri credemo che Gesù l’è stà ressussità. Savemo che la so ressuression la ze un dei insegni pi importanti par i cristiani. Parlemo tanto sora ela quando predichemo. — 1 Corinti 15:3, 4, 12-15.
La verità: Amemo i nostri fioi e femo tuto quel che podemo par insegnarghe e giutarli a esser felici. — Tito 2:4.
Parché le Testimònie de Geovà no le selebra la Pàscoa?
La maniera che se selebra la Pàscoa ancoi no la ze mia de acordo cola Bìblia.
Gesù el ne ga mandà selebrar la so morte, e nò la so ressuression. Noantri femo questa selebrassion tuti ani nel giorno che lu l’è morto, de acordo col calendàrio che l’era doperà nei tempi de Gesù. — Luca 22:19, 20.
Credemo che Dio no’l ghe piase mia dela maniera che le persone le selebra la Pàscoa ancoi, parché la vien de costumi dele religion false del passà. Dio el vol che ‘adoremo sol a lu’, e el resta disgustà quando metemo insieme ala nostra adorassion costumi che lu no’l ghe piase mia. — Ésodo 20:5; 1 Rè 18:21.
Credemo che la nostra dessision de no selebrar la Pàscoa de questa maniera la ze de acordo cola Bìblia. Ela la dise che ghemo de doperar ben “la sabedoria e la capassità de pensar” invesse de sol ndar drio ale tradission. (Proverbi 3:21; Mateo 15:3) L’è vera che noantri parlemo ale persone de quel che credemo sora la Pàscoa, ma rispetemo el so dirito de far quel che le vol. — 1 Piero 3:15.