La roba pi importante che la Bìblia la parla la ze el Regno de Dio. Geovà el ndarà doperar questo Regno par far dela Tera un paradiso. Cossa che l’è questo Regno? Come che podemo esser sicuri che l’è belche drio governar? Cossa che questo Regno el ga belche fato e cossa che el ndarà far nel futuro? Ndaremo risponder a queste domande in questa lession e nele pròssime due.

1. Cossa che l’è el Regno de Dio, e chi che l’è el Rè de questo Regno?

El Regno de Dio l’è un governo. L’è Geovà che lo ga fato, e el ga scoliesto Gesù come Rè del so Regno. Gesù el governa del cielo e el governarà tuta la Tera. (Mateo 4:17; Gioani 18:36) La Bìblia la dise che Gesù el ndarà governar par sempre. — Luca 1:32, 33.

2. Chi che ndarà governar insieme con Gesù?

Persone de tute le tribo, léngue, pòpoli e nassion le ndarà governar insieme con Gesù. (Apocalisse 5:9, 10) Sarà che tute le persone che le va drio a Gesù le ndarà governar insieme con lu? Nò! Sol 144 mila persone. (Ledi Apocalisse 14:1-4.) Tuti i altri che i va drio a Gesù i ndarà viver nela Tera. — Salmo 37:29.

3. Parché che el Regno de Dio l’è meio che tuti i altri governi?

Anca se un governante el gàpia voia de far tante robe bone, lu no l’è bon de far tuto quel che el vol. Dopo de un tempo, scomìnsia a governar nantro che fursi no’l vol el meio par le persone. Ma Gesù el ndarà governar par sempre, e el Regno de Dio no’l sarà mai destruto. (Daniel 2:44) Gesù el ndarà governar tuta la Tera e el ndarà tratar a tuti con bontà, amor e giustìssia. Lu anca el ndarà insegnar ale persone a tratar una al’altra dela medèsima maniera. — Ledi Isaia 11:9.

4. El Regno de Dio el ndarà governar tuta la Tera

Gesù el ga de pi poder che tuti i altri governanti. Ledé Mateo 28:18, e dopo, parlé sora questo:

• Parché che Gesù el ga de pi poder che i altri governanti?

I governanti umani i càmbia dopo de un tempo e cada un el governa una parte dela Tera. Sarà che el Regno de Dio anca l’è cossita? Ledé Daniel 7:14, e dopo, parlé sora questo:

• Parché che l’è bon saver che el Regno de Dio no’l sarà destruto?

• Parché che l’è bon saver che el Regno de Dio el ndarà governar tuta la Tera?

5. Ghemo bisogno che el Regno de Dio el governe

Parché che ghemo bisogno che el Regno de Dio el governe? Vardé el VÌDEO, e dopo, parlé sora questo.

VÌDEO: Cossa che l’è el Regno de Dio? — Parte (1:41)

• Cossa che l’è drio suceder par causa dei governi dei òmini?

Ledé Eclesiasti 8:9, e dopo, parlé sora questo:

• Te pensi che el Regno de Dio el ga de governar nel posto dei òmini? Parché?

6. El Regno de Dio el ga governanti che i ne capisse

El nostro Rè, Gesù, el ga vivesto qua nela Tera come un omo. Alora, lu l’è bon de capir quel che infrontemo. (Ebrei 4:15) E Geovà el ga scoliesto 144 mila òmini e done fedeli che i ze de tute le tribo, léngue, pòpoli e nassion par governar insieme con Gesù. — Apocalisse 5:9.

• Gesù e i tuti quei che i va governar insieme con lu i capisse quel che sentimo e quel che infrontemo. Come te te senti de saver de questo? Parché?

7. Le lege del governo de Dio le ze meio che quele dei altri governi

I governi i ga lege par darghe aiuto e protession ale persone. Anca el Regno de Dio el ga lege. Ledé 1 Corinti 6:9-11, e dopo, parlé sora questo:

• Come te pensi che saria el mondo se tute le persone le fusse obediente ale lege de Dio?a

• L’è giusto che Dio el spete che le persone le obedissa ale lege del so Regno? Parché che te pensi cossita?

• Come che savemo che qualchedun che le fà robe sbaliade el pol cambiar? (Vardé el versìcolo 11.)

COSSA CHE TE GHÈ IMPARÀ?

El Regno de Dio l’è un governo che l’è nel cielo, e el ndarà governar tuta la Tera.

Sito bon de ricordarte?

• Chi che i ze i governanti del Regno de Dio?

• Parché che el Regno de Dio l’è meio che tuti i altri governi?

• Cossa ghemo de far par esser governadi par el Regno de Dio?

VUTO SAVER DE PI?

Ndove che l’è el Regno de Dio? Varda quel che Gesù el ga parlà sora questo.

“Sarà che el Regno de Dio l’è qualcossa rento del nostro cuor?” (Varda nel jw.org)

Parché che le Testimònie de Geovà le ze leai al Regno de Dio e nò ai governi de òmini?

Dedicadi al Regno de Dio — Parte (1:43)

Cossa che la Bìblia la dise sora i 144 mila che i ndarà governar con Gesù?

“Chi che va al cielo?” (Varda nel jw.org)

Cossa che ga assà sicura una dona che la era in preson che sol el Regno de Dio el pol cambiar el mondo?

“Mi volea un mondo sensa ingiustìssia” (Despertai!, novembre de 2011)

El Regno de Dio el ga scominsià a governar nel cielo in 1914. L’è stà in questo ano che ga scominsià i ùltimi giorni dei governi dei òmini. Ma come che podemo esser sicuri de questo? Ndemo veder quel che la Bìblia belche la parlea e quel l’è drio suceder nel mondo de 1914 in qua.

1. Cossa che le professie dela Bìblia le mostra?

El libro de Daniel el ne giuta a capir che el Regno de Dio el ndaria scominsiar a governar dopo de sete tempi. (Daniel 4:16, 17) Sentene de ani dopo, Gesù el ga ciamà questi tempi come el tempo che l’è stà dato ale nassion. El ga insegnà che questo tempo no l’era gnancora finio. (Luca 21:24) I sete tempi i ze finidi in 1914.

2. Cossa che l’è drio suceder de 1914 in qua?

I dissìpoli de Gesù i ghe ga domandà un segnal de quando lu el scominsiaria a governar e che el fin el saria darente. (Mateo 24:3) Alora, Gesù el ghe ga dito quel che ndaria suceder quando el scominsiesse a governar el Regno de Dio. Par esémpio, lu el ga dito che ghen saria guere, teremoti e che a tanti ghe mancaria de magnar. (Ledi Mateo 24:7.) La Bìblia anca la ga dito come le persone le saria nei ùltimi giorni. Par quela, saria fadiga ndar avanti. (2 Timòteo 3:1-5) Dopo de 1914, le robe le ze cada volta pi brute.

3. Parché che el mondo l’è cada volta pi bruto dopo che el Regno de Dio el ga scominsià a governar?

Poco tempo dopo che Gesù l’è deventà Rè del Regno de Dio, el ga fato guera nel cielo contra Sàtana e i demoni. Sàtana el ga perso la guera e lu e i so demoni i ze stati paradi via del cielo e i ze vegnesti qua nela Tera. (Apocalisse 12:9, 10, 12) Sàtana el ga tanta ràbia parché el sa che el sarà destruto. Par quela, lu l’è drio far tante robe brute. Alora capimo parché le persone le ze drio sofrir tanto ancoi. Ma el Regno de Dio el ndarà finir fora con tute le robe brute.

IMPARA DE PI!

4. Professie dela Bìblia sora el ano 1914

VÌDEO: El Regno de Dio ga scominsià governar ntel 1914 (5:02)

Dio el ga fato che el rè de Babilònia, Nabucodonosor, el se insognesse par mostrar quel che ndaria suceder nel futuro. Daniel el ga spiegà quel che volea dir le robe che Nabucodonosor el se gavea insognà. Lu el ghe ga dito che saria le robe che sucederia col so governo e anca col Regno de Dio. — Ledé Daniel 4:17.a

Ledé Daniel 4:20-26, e dopo, vardé el quadro dela pàgina 133 par risponder a queste domande:

• (A) Cossa che Nabucodonosor el ga visto quando el se ga insognà? (Vardé i versìcoli 20 e 21.)

• (B) Cossa che ndaria suceder cola pianta? (Vardé el versìcolo 23.)

• (C) Cossa che ndaria suceder nel fin dei sete tempi? (Vardé el versìcolo 26.)

Cossa che la pianta che Nabucodonosor el ga visto la ne insegna sora el Regno de Dio?

LA PROFESSIA (Daniel 4:20-36)

Governo

(A) Una granda pianta

El se fermaria de governar

(B) ‘Buté do la pianta’ fin che se finissa i sete tempi

El governaria nantra volta

(C) ‘Te sarè rè nantra volta’

La prima volta che questa professia la se ga realisà . . .

• (D) Chi che la era la pianta? (Vardé el versìcolo 22.)

• (E) Quando che Nabucodonosor el se ga fermà de governar? (Ledé Daniel 4:29-33.)

• (F) Cossa che ga sucedesto con Nabucodonosor nel fin dei ‘sete tempi’? (Ledé Daniel 4:34-36.)

LA PRIMA VOLTA CHE LA PROFESSIA LA SE GA REALISÀ

Governo

(D) Nabucodonosor, rè de Babilònia

El se fermaria de governar

(E) Dopo del ano 606 vanti de Cristo, el rè Nabucodonosor el deventa mato e no l’è bon de governar par sete ani

El governaria nantra volta

(F) Nabucodonosor no l’è pi mato e el scomìnsia a governar nantra volta

La seconda volta che questa professia la se ga realisà . . .

• (G) Chi che la era la pianta? (Ledé 1 Cróniche 29:23.)

• (H) Quando che i se ga fermà de governar? Come che savemo che no i era drio governar quando Gesù l’è vegnesto ala Tera? (Ledé Luca 21:24.)

• (I) Quando e ndove che questo governo el ga scominsià a governar nantra volta?

LA SECONDA VOLTA CHE LA PROFESSIA LA SE GA REALISÀ

Governo

(G) Dio el scòlie rè israeliti par rapresentar el so governo

El se fermaria de governar

(H) Gerusalen la ze destruta e i rè israeliti i se ferma de governar par 2.520 ani

El governaria nantra volta

(I) Gesù el scomìnsia a governar nel cielo come Rè del Regno de Dio

5. Le robe le ze drio cambiar tanto del ano de 1914 in qua

Vardé el VÌDEO.

VÌDEO: El mondo el ga cambià dopo de 1914 (1:10)

Gesù el ga dito come saria el mondo dopo che lu el deventesse Rè. Ledé Luca 21:9-11, e dopo, parlé sora questo:

• Che robe de queste sito drio veder ancoi?

El apòstolo Paolo el ga dito come le persone le saria nei ùltimi giorni. Ledé 2 Timòteo 3:1-5, e dopo, parlé sora questo:

• Le persone le ze pròpio cossita ancoi?

6. Volemo mostrar che credemo che el Regno de Dio l’è belche drio governar

Ledé Mateo 24:3, 14, e dopo, parlé sora questo:

• Che laoro el mostra che el Regno de Dio l’è drio governar?

• Come che te pol giutar a far questo laoro?

El Regno de Dio l’è belche drio governar, e presto el ndarà governar tuta la Tera. Ledé Ebrei 10:24, 25, e dopo, parlé sora questo:

• Savemo che semo drio rivar al fin. Alora, cossa che tuti noantri ghemo de far?

COSSA CHE TE GHÈ IMPARÀ?

Le professie dela Bìblia e quel che l’è drio suceder nel mondo mostra che el Regno de Dio l’è belche drio governar. Quando predichemo e ndemo ale riunion, mostremo che credemo in questo.

Sito bon de ricordarte?

• El libro de Daniel el parla sora sete tempi. Cossa che ga sucedesto nel fin de questi tempi?

• Parché che te credi che el Regno de Dio el ga scominsià a governar in 1914?

• Come che te pol mostrar che te credi che el Regno de Dio l’è belche drio governar?

VUTO SAVER DE PI?

Varda cossa che arquanti studiosi e altre persone i dise sora quel che l’è drio suceder del ano de 1914 in qua.

“Le persone no le pensa pi in quel che l’è giusto o sbalià” (Despertai!, april de 2007)

Varda come la professia de Mateo 24:14 la ga cambià la vita de un omo.

“Me piasea del beisebol de pi che qualche altra roba!” (La Sentinela No. 3 de 2017)

Come che savemo che la professia de Daniel, capìtolo 4, la ze sora el Regno de Dio?

“Quando che el Regno de Dio el ga scominsià a governar? — Parte 1” (La Sentinela, 1 de otobre de 2014)

Come che savemo che i ‘sete tempi’ de Daniel capìtolo 4 i ze finidi nel ano de 1914?

“Quando che el Regno de Dio el ga scominsià a governar? — Parte 2” (La Sentinela, 1 de novembre de 2014)

El Regno de Dio l’è belche drio governar nel cielo e presto el ndarà scominsiar a cambiar le robe qua nela Tera. Vedemo arquante robe che questo Regno el ndarà far.

1. Come ghen sarà pace e giustìssia nela Tera par meso del Regno de Dio?

Gesù, el Rè del Regno de Dio, el ndarà finir fora coi governi dei òmini nela guera del Armagedon. (Apocalisse 16:14, 16) Gesù el ndarà finir fora anca cole persone rugne. Cossita, ndarà realisarse quel che la Bìblia la dise: ‘Nantro poco, e i rugni no i ghen sarà pi.’ (Salmo 37:10) Gesù el ndarà governar tuta la Tera e ghen sarà pace e giustìssia. Lu el ndarà far questo par meso del Regno de Dio. — Ledi Isaia 11:4.

2. Come che sarà la vita quando el Regno de Dio governar la Tera?

Proa imaginar come saria viver nte un mondo che tute le persone le ze bone, giuste e che le ama a Dio e una al’altra. Quando el Regno de Dio el governar la Tera, la vita la sarà cossita parché la Bìblia la dise che i giusti i ndarà viver qua par sempre. (Salmo 37:29) Nissun pi restarà malà e tuti i ndarà viver par sempre.

3. Cossa che el Regno de Dio el ndarà far dopo de finir fora coi rugni?

Dopo che i rugni i sarà destruti, Gesù e i 144 mila i ndarà governar par mila ani. In questi mila ani, lori i giutarà le persone a deventar perfete. Dopo de questo, tuta la Tera la sarà un paradiso e tute le persone le viverà felice parché le sarà drio obedir ale lege de Dio. Cossita, el nome Geovà el sarà santificà come mai l’è stà vanti. (Mateo 6:9, 10) Tuti i sarà pròpio sicuri che Geovà l’è el Governante che el ghe vol ben ale persone. Geovà el ndarà anca finir fora con Sàtana, i demoni e le persone che no le volerà mia obedirlo. (Apocalisse 20:7-10) Par causa del Regno de Dio, tuti i gavarà una bela vita e i viverà par sempre.

IMPARA DE PI!

4. El Regno de Dio el ndarà finir fora coi governi dei òmini

La Bìblia la dise che le persone le sofre quando le proa governar a lore stesse. (Eclesiasti 8:9) Geovà el ndarà doperar el so Regno par finir con tute le ingiustìssie.

Ledé Daniel 2:44 e 2 Tessalonissensi 1:6-8, e dopo, parlé sora questo:

• Cossa che Geovà e Gesù i ndarà far coi governi che ghen’è ancoi e con quei che i ghe va drio?

• De acordo con quel che te ghè imparà, parché te pol esser sicuro che Geovà e Gesù i ndarà giulgar con giustìssia?

5. Gesù l’è un Rè perfeto

Come Rè del Regno de Dio, Gesù el ndarà far tante robe bone par giutar tute le persone dela Tera. Vardé el VÌDEO. Questo vìdeo el ndarà mostrar che Gesù el vol giutar le persone e che Geovà el ghe ga dato poder par farlo.

VÌDEO: Gesù el ga mostrà quel che el Regno el ndarà far (1:13)

Quando imparemo quel che Gesù el ga fato quando l’era qua nela Tera, anca imparemo sora quel che el ndarà far nel futuro. Che robe che parla qua sito premoso de veder? Ledé i testi dela Bìblia che i parla de pi de queste benedission.

6. Par meso del Regno de Dio, tuti i gavarà una bela vita nel futuro

VÌDEO: El nostro futuro sarà pròpio bel (4:38)

Ledé Salmo 145:16, e dopo, parlé sora questo:

• Geovà el ndarà dar ale persone tuto quel che lore le vol. Come te te senti de saver de questo?

COSSA CHE TE GHÈ IMPARÀ?

Par meso del so Regno, Dio el ndarà far tuto quel che el ga sempre volesto qua nela Tera. Lu el ndarà far dela Tera un paradiso e le persone bone le ndarà adorarlo e viver par sempre.

Sito bon de ricordarte?

• Come el Regno de Dio el ndarà santificar el nome de Geovà?

• Parché podemo esser sicuri che el Regno de Dio el ndarà realisar tute le promesse dela Bìblia?

• Tante bele robe le ndarà suceder par meso del Regno de Dio. Cossa che te sì pi premoso de veder?

VUTO SAVER DE PI?

Cossa che l’è el Armagedon?

“Cossa che la ze la guera del Armagedon?” (Varda nel jw.org)

Cossa che ndarà suceder nel tempo che Gesù el ga ciamà de “granda tribolassion”? — Mateo 24:21.

“Cossa che la ze la granda tribolassion?” (Varda nel jw.org)

Varda come le fameie le pol imaginarse nel Paradiso.

Imaginate nel Paradiso (1:50)

Nel artìcolo “Mi restea preocupà con tante domande”, varda cossa ga giutà un omo che el volea cambiar el governo del paese.

“La Bìblia la càmbia la vita dele persone” (La Sentinela, 1 de genaro de 2012)