Proa catar fora un bel posto par studiar

Te piaseria imparar ancora te pi quando ti te studi la Bìblia? Alora, varda arquante robe che ti te pol far:

• Proa catar fora un posto ndove te te senti ben. L’è tanto meio se te studi nte un posto neto e ndove ghen’è luce. Te pol sentarte do rento casa ndove ghen’è una tola o nte un posto fora de casa.

• Proa catar fora un posto ndove te sì bon de restar ti ti sol. Gesù ‘l’è ndato a un posto che no ghen’era nissun de matina bonora’ par pregar a Geovà. (Mar. 1:35) Ma pol esser che no te sì mia bon de restar ti ti sol. Alora, dighe ale persone che le ze de star insieme de ti quala ze la ora che te ndarè studiar. Cossita, sarà pi fàcile che nissuni te intrighe.

• No stà assar che gnente te intrighe de restar atento. Par esémpio, se te doperi un tablet o to telèfono par studiar, te pol assarli sensa internet e anca de una maniera che no i sone mia. E se te te ricordi de qualcossa che te toca far, scrivi do. Cossita, te sarè bon de farla dopo sensa intrigar el stùdio. Ma se par ti l’è massa fadiga seitar atento par un tempo, proa fermarte un pochetin e caminar. Dopo, torna a studiar.