9 Masi Sara aamakela oweha wiira mwaana a Agari,+ a wExiitu, aanimutheya Isaakhi.+ Mwaana owo ti yoole Agari aamuyarenle awe Abrahamu.

13 Tivonto, atthu a wExiitu yaahiwiiriha aisarayeli okhala ipottha,+ ni waahaaxa vanceene. 14 Awo yaanitepa waahaaxa aisarayeli, yaakhanyereryaka weetheya oloko ni opaka itixolu, ni miteko soolipa sa mmatta. Yaanaakhanyererya ovara muteko woolipa ntoko ipottha,+ yaahaaxaka.

7 Yehova aahihimya-tho wiira: “Mweekeekhai, kihoona ohaawa wa atthu aka, yaawo ari wExiitu, nave kihiiwa wunla waya mwaha wa miteko sookhanyereriwa anivara aya. Miyo kinnisuwela saana ohaawa waya.+

6 Nave-tho, Muluku aahimuhimeerya Abrahamu wiira osuulu awe, waarowa okhala anamurwa elapo ehikhanle yawaya. Atthu a elapo eyo yaarowa waakhaliha ipottha ni waahaaxa* mwa iyaakha 400.+ 7 Muluku aahihimya wiira: ‘Nto miyo kinoophukela elapo eyo enrowa waakhaliha ipottha.+ Nuumala itthu iya wiiraneya, awo anookhuma mulaponi-mmo ni anrowa okikokhorelaka opuro yoola’.+