7 “Nave-tho, vameesa saaheliwa iphaawu saavahiwa Muluku,+ animwaatalela ekuwo yooripelela, apwehe iparatho, ikoopho, itixela ni mirinki sinirumeeliwa wiira sivahiweke soovaha siniwuriwa.+ Nto iphaawu+ iyo sihaana okhalaka vameesa vaavo.

32 Axinnaya akina a nloko na akehathi, yaahikhalana muritti woopaka iphaawu+ saavahiwa Muluku khula saabadu.+

4 Vano miyo kinteka empa enrowa okhalana nsina na Yehova Muluku aka, wiira oreeriheliwe yoowo, nipahiweke nsenso*+ ohoolo wawe, nave-tho okathi wootheene sipwehiweke iphaawu sinivahiwa Muluku+ ni soovaha para opahiwa, voosiisu ni makaaripi,+ isaabadu,+ khula mweeri musya,+ nave okathi wa ifesta+ para Yehova, Muluku ahu. Ela ti etthu enirummwa aya Isarayeli opaka mahiku ootheene.