6 Moise aahaakhelela ikaaro iye ni ipooyi iye. Nuumala-vo, aahaavaha alevi. 7 Owo aahaavaha anamwane a Gerisoni ikaaro piili saapuruliwa ni inama, ni ipooyi xexe, moovarihana ni itthu yaapirisari aya wiira avare muteko aya.+ 8 Nave aahaavaha anamwane a Merari, ikaaro xexe ni ipooyi 8, moovarihana ni itthu yaapirisari aya wiira avare muteko aya. Itamari mwaana a namukuttho Aroni,+ taahoolela muteko yaapaka aya anamwane a Gerisoni ni a Merari. 9 Masi owo khaavanhe etthu anamwane a Kehathi, okhala wiira muteko aya waahela muhina ovara muteko nipuro noowaarya,+ ni oteexa mmakhatani mwaya, itthu sooreerihiwa.+

2 Nto Davidi aahihimya wiira: “Khuuvo oneemereriwa oteexa Nivuku na Nivarihano na Muluku eekeekhai, ahikhanle alevi paahi, okhala wiira Yehova ohaathanla wiira ateexeke Nivuku na Nivarihano na Yehova ni anvareleke muteko okathi wootheene”.+