-
Aphuki 1:21Biibiliya a Elapo Esya a Soolempwa Soowaarya
-
-
21 Masi, atthu a nihimo na Beniyamini khiyaawoomonle ayebusi yaakhala oYerusalemu. Siiso, ayebusi annikhala ni atthu a nihimo na Beniyamini oYerusalemu, mpakha olelo-va.+
-
-
2 Samuweli 5:6, 7Biibiliya a Elapo Esya a Soolempwa Soowaarya
-
-
6 Vano, mwene ni anakhotto awe yaahirowa oYerusalemu wiira yawane ni ayebusi+ yaawo yaakhala mulaponi-mme. Awo yaahimuramusa Davidi ariki: “Nyuwo khamunkhala-khala mukelaka-mu! Hata alipa-oohoona ni alipa-ootuthunya anoowoomolani”. Nave yuupuwela wiira Davidi khaakhala-khala okuxaka epooma ele.+ 7 Masi, Davidi aahikuxa opuro ole woolipihiwa wa omwaako Siyoni, weiwo olelo-va oniihaniwa epooma ya Davidi.+
-