23 Okathi puuru aawenhe awe nlaikha na Yehova neemenle ene mustaraatani, nivarenle ene espaata* mmatatani mwaya, puuru owo aaheererya okhuma mustaraatani wiira okele mutakhwani. Masi Balaamu aahipacerya ommana puuru ole wiira otthikele mustaraatani.

25 Okathi puuru ole aawenhe awe nlaikha na Yehova, aahipacerya ohaamela exiri. Vano puuru ole aahiphiteerya nnawu na Balaamu vaxirini. Nto Balaamu aahitthikela-tho ommana.

27 Okathi puuru aawenhe awe nlaikha na Yehova, aahimmaathi vathi. Tivo, Balaamu aahinanariwa vanceene, onathipelela ommana puuru ole ni ekopo awe.