6 Nuumala-vo, makhulupale ootheene a epooma ele etempe waattamela murutthu, ahaana onyawa+ vasulu va epooyi ele yoothiyana, yeeyo yintiwe exiko oxepani. 7 Nave ahaana ohimya wiira: ‘Hiyo khanimwiivale* mulopwana ola, nnakhala khanimoonale iiviwaka. 8 Khoo Yehova, muhaavahe mulattu atthu anyu aisarayeli, yaawo nwooponle anyu.+ Nave mwaataphule atthu anyu aisarayeli mulattu wa mutthu iiviwe ohitthenke’.+ Siiso, awo khanrowa okhalana mulattu mwaha wa mutthu ole iiviwe. 9 Mwiira siiso, munookumiha eriyari anyu mulattu, mwaha wa mutthu iiviwe ohitthenke etthu. Eyo etthu yooreera vamaithoni va Yehova.