39 Vano namukuttho Sadoki aahikuxa mutentani*+ nnyaka naarina makhura,+ omwiitthela Salomooni.+ Siiso awo yaahipacerya woopa nlope, ni atthu ootheene yaahipacerya okhuwela yiiraka: “Mwene Salomooni okhaleke mahiku ootheene!” 40 Okathi Salomooni aatthika awe, atthu ootheene yaanimutthara, yoopaka iphivi* atteeliwe ene murima vanceene, mpakha elapo otetereya mwaha wa onyakula wa atthu awo.+

12 Moottharelana, Yehoyada aahimukumiherya ota mwaana a mwene,+ onwariha ekhara, onvahererya eroolu yaarina nlamulo na Muluku.+ Nuumala-vo, awo yaahimuthanla wiira okhale mwene. Nto yaahipacerya omana makuphi ahimyaka wiira: “Mwene okhaleke mahiku ootheene!”+

14 Moottharelana, Ataliya aahimoona mwene eemenle ene waattamela epilaari, moovarihana ni yoolema.+ Maxeefi yaahoolela anakhotto 100 ni ale yoopa malope,+ yaari ni mwene. Vano atthu ootheene yaanitteeliwa murima ni yaanoopa malope. Siiso, Ataliya aahikhera ikuwo sawe onakhuwela oriki: “Koorukunuweliwa! Koorukunuweliwa!”

39 Awo yaahikhala mahiku mararu ni Davidi, alyaaka ni awuryaka itthu axinnaya yaalokihenrye aya. 40 Ohiya-vo ale yawaattamenle, ni ale yaari ottaiwene ntoko atthu a nihimo na Isakari, na Zabuloni ni na Nefetali, yaahaaruuha apuuru, ikamelo, axinama aniihaniwa muula,* ni ipooyi saakunxe soolya iya: Otthu,* ipoolu sa ifiiku soonyakattiwa, eviinyu ni makhura. Nave yaahiruuha ipooyi ni ipwittipwitthi sinceene okhala wiira atthu a Isarayeli yaahiitteeliwa murima.