9 Vano nyuwo munookhalana mwaana+ onrowa okhala mutthu a murettele, nto kinoomwiiriha okhalana murettele ni awanani awe ootheene amurukurenrye,+ okhala wiira nsina nawe ninrowa okhala Salomooni,*+ nave mahiku awe kinimwaavaha murettele* ni omaaleleya atthu a Isarayeli.+

5 Tthiri Yehova ookivaha anamwane anceene,+ nto eriyari ya anamwane awo ootheene, oomuthanla mwanaka Salomooni+ wiira okilaathi veehiceni ya Yehova, aalamuleleke atthu a Isarayeli.+

29 Mwene Davidi aahihimeerya nloko nootheene wiira: “Mwanaka Salomooni, yoowo othanliwe ni Muluku,+ mmiravo ni khonisuwela itthu sinceene.+ Nave muteko ola khoreere waatta, okhala wiira etemplo* enrowa awe oteka khahiyo ya mutthu, masi ti ya Yehova Muluku.+