21 Nto aahimukhuwelela mulopwana a Muluku eekeekhai aakhuma oYuda, oriki: “Etthu onihimya awe Yehova, tiila: ‘Okhala wiira khamwiiwelenle etthu Yehova oolenlyaaweni, ni khamutthanre yooruma ya Yehova, Muluku anyu, oovanhaaweni, 22 masi mootthika wiira mulye ni nwurye opuro ola, yoowo mwaaleeliwe anyu wiira: “Muhilye nnakhala muhiwurye”, murutthu anyu khonrowa ovithiwa mmahiye mwa amuhavinre anyu’”.+