21 Vano, khula mutthu aaphavela ni murima awe wootheene,+ ni khula mutthu aaphavela okhaliherya aahimuroihela Yehova itthu anvaha awe. Itthu saavaha aya saanipakeliwa etenta ya muthukhumano, saanipakiwa itthu sootheene saarumeliwa mutentani-mmo, ni saanipakeliwa malaya oowaarya.

9 Atthu yaahitteeliwa murima mwaha woovaha itthu iya voohikhanyereriwa, okhala wiira yanvaha Yehova ni murima aya wootheene,+ nave mwene Davidi aahitteeliwa murima vanceene.

14 Moorummwa ni mwene ni atthu 7 aninvaha miruku wiira mutokose Nlamulo na Muluku anyu nenlo mukunxe anyu, moone vakhala wiira ninneetteliwa ni atthu a oYuda ni a oYerusalemu. 15 Nave mukuxe eparatha ni eweero yeeyo mwene ni atthu aninvaha miruku anvanhe aya voohikhanyereriwa Muluku a wIsarayeli, yoowo onikhala oYerusalemu, 16 vamosa ni eparatha yootheene ni eweero yootheene yeeyo mwaakhenle anyu* iprovinsia sootheene sa oBabiloonia, vamosa ni itthu sivahiwe ni atthu ni anamukuttho voohikhanyereriwa empa ya Muluku anyu, oYerusalemu.+