• Isaalimu 15:1-5
    Biibiliya a Elapo Esya a Soolempwa Soowaarya

    • 15 Yehova, ti pani onrowa okhala muletto mutentani* mwanyu?

      Ti pani onrowa okhalaka vamwaako vanyu voowaarya?+

       2 Tuule oneetta voororomeleya,+

      Oniira itthu sooreera,+

      Ni onilavula ekeekhai vamurimani vawe.+

       3 Mutthu owo khonootha,+

      Khonimwiirela itthu sootakhala mukhwaawe,+

      Nave khonnanariha nsina na* apatthani awe.+

       4 Onnaakhootta atthu aniira itthu sootakhala,+

      Masi onnaattittimiha ale animoova Yehova.

      Ammana natiri, owo khonitthikela ottuli, hata etthu eyo erowaka onwereya.+

       5 Mutthu owo khonikophiha musurukhu awe ni ixuuru,+

      Nnakhala khoneemererya okunyariwa wiira omukumiherye mixankiho mutthu ohitthenke.+

      Nto mutthu oniira siiso, khonrowa omora.*+

  • Isaalimu 84:1-4
    Biibiliya a Elapo Esya a Soolempwa Soowaarya

    • 84 Khoo Yehova a anakhotto!

      Ennikisivela vanceene etapernaakulu anyu yooreerexa.+

       2 Kihinkheliwa vanceene,

      Aayo, kookhulumuwa mwaha wa wunkheliwa,

      Orowa vate va empa ya Yehova.+

      Kinnimukhuwelela Muluku mukumi kitteeliwe ene murima, ni murima aka wootheene ni ikuru saka sootheene.

       3 Hata axipalame anniphwanya empa aya weiwo,

      Nikekesa ninniphwanya epuru aya,

      Yeeyo nnaakhapelelaaya-mo axaana aya,

      Waattamela altaari anyu ooreerexa, nyuwo Yehova a anakhotto,

      Mwene aka ni Muluku aka!

       4 Oohakalala ti yaale anikhala mpaani mwanyu!+

      Awo annoottottopelani voohihiyererya.+ (Selahi)