8 “Nyuwo munoona wiira munoowerya owana ni omwene wa Yehova ori mmatatani mwa anamwane a Davidi, maana khamureere waatta nave mookhalana ipooyi seiyo Yerobowamu opanke awe wiira sikhale amuluku anyu.+ 9 Kiira ti nyuwo nwoomonle anamukuttho a Yehova,+ osuulu wa Aroni ni alevi, nave mwaathanla anamukuttho anyu, ntoko aniira aya atthu a ilapo sikina?+ Khula mutthu onruuha epooyi yaamukhaani ni ipwittipwitthi 7 onniwerya okhala namukuttho a amuluku eethiru.

26 “Masi, awo yaahikhala oohiiwelela, yaahoovirikanyani+ ni yaahihiya Nlamulo nanyu. Yaahiwiiva maprofeta anyu, yaawo yaalopola wiira yootthikeleni, nave yaahipaka itthu suulupale sooniherya ohittittimiha.+