21 Masi muhaana waathanla alopwana+ animoova Muluku ni anisuwela ophuka myaha, ni oororomeleya ni ahiniphuka myaha aphavelaka mureerelo aya.+ Alopwana awo mwaakhalihe makhulupale a atthu 1.000, makhulupale a atthu 100, makhulupale a atthu 50, ni makhulupale a atthu 10.+ 22 Awo ahaana ophuka myaha sinikhumelela. Myaha sooxankiha ahaana wooruuhelani,+ masi myaha saamukhaani aphukeke mmansaya. Nvukule muteko anyu, mwaahiyaka atthu akina wiira yookhaliheryeni.+

34 Yesu aahaahimeerya wiira: “Munlamuloni mwanyu voolempwa so: ‘Muluku oohimya wiira: “Nyuwo mwa amuluku”’.*+ 35 Nave noosuwela wiira Soolempwa, khasiniturukiwa. Nto, vakhala wiira Muluku oowiihana ale alamuliwe munuulumoni mwawe okhala ‘amuluku’,+