16 “Okathi ole, kaahaavaha alipa-oophuka milattu sanyu, malakiheryo ala: ‘Okathi atthu anyu anikhalana aya mulattu anarwa ohoolo wanyu, nyuwo muhaana ophuka muttharaka exariya,+ okhale mulattu wa mwisarayeli ni mwisarayeli mukhwaawe, aahiiso mwisarayeli ni namurwa munikhalana anyu.+ 17 Okathi muniphuka anyu mulattu,+ muhimuthanleke mutthu. Muhaana onwiriyana enamuna emosa-ru mulipa-oohaawa ni thaaciri.+ Muhimoove mutthu,+ maana ophuka wanyu onikhuma wa Muluku.+ Akhala wiira mulattu owo wooxankiha vanceene, muhaana okiruuhela, nto miyo kinoowiriyana’.+

7 Vano mmooveke Yehova.+ Mukhalane ephoole ni ele enivara anyu, okhala wiira Yehova Muluku ahu khoninvilela mutthu oniira itthu soohikhala sa xariya,+ khonaathanla atthu,+ nnakhala khoneemererya okunyariwa”.+