• Musuweli 5:18
    Biibiliya a Elapo Esya a Soolempwa Soowaarya

    • 18 Etthu koonale aka wiira ti yooreera ni ti yookhalela tiila: Mutthu ohaana olya, owurya ni ohakalala ni muteko awe wootheene woolipa+ ohaawenle awe mulaponi* okathi wa mahiku vakhaani a okumi awe, ovahiwa awe ni Muluku eekeekhai, okhala wiira eyo ti etthu ovahiwa awe.+

  • Yesaya 65:22
    Biibiliya a Elapo Esya a Soolempwa Soowaarya

    • 22 Khanrowa otekaka ipa, masi sikhaliweke ni atthu akina,

      Nnakhala khanrowa waalaka, masi elyiweke ni atthu akina,

      Okhala wiira atthu aka anrowa okhalaka mahiku manceene ntoko mwiri.+

      Nave, atthu aka kaathanlale aka, anoopuhaka muteko anrowa aya ovaraka ni matata aya.