6 Nuumala-vo, Muluku eekeekhai aahimulavuliha Abimeleki moolohani oriki: “Miyo koosuwela wiira mwiirale ni murima wooreera. Nto kihookhoottiheryani wiira muhikitthekele. Tivonto kiheemerenrye aka wiira murupane.

12 Mutthu yoole onrowa okhootta onwiriyana namukuttho onivara muteko ohoolo wa Yehova Muluku anyu, aahiiso mulipa-oophuka milattu, ohaana wiiviwa.+ Muhaana omukumiha mutthu owo ootakhala wIsarayeli.+

23 Tthiri ohiiwelela+ onlikana ni etampi ya waaxerya ehako,+ nave wiikuxererya onlikana ni orumeela owerya wa maxintta ni waakokhorela amuluku eethiru.* Okhala wiira mookhootta wiiwelela moolumo a Yehova,+ nave owo ohookhoottani ntoko mwene”.+

7 Vano Yehova aahinanariwa vanceene ni Uza. Nto Muluku eekeekhai aahimwiiva+ Uza mwaha wa wiikuxererya wawe.+ Siiso Uza aahikhwa opuro yoole waattamela Nivuku na Muluku eekeekhai.

16 Masi, nuumala yena okhala oolipa, murima awe waahisareya wiisoona iirelaka opwetexiwa, nave aahipaka etthu ohooniheryaka ororomeleya ohoolo wa Yehova Muluku awe, okelaka mutemplo mwa Yehova wiira opahe nsenso* valtaari a nsenso.+ 17 Moowaakuveya, namukuttho Azariya ni anamukuttho akina 80 oolipa murima a Yehova, yaahimutthimakela. 18 Awo yaahimurowela mwene Oziya, anamuhimeerya wiira: “Khivanooreerelani nyuwo mwene Oziya, ompaherya nsenso Yehova!+ Anamukuttho paahi takhanle oopaha nsenso, okhala wiira osuulu wa Aroni,+ yaawo areerihiwe. Mukhume opuro ola woowaarya, okhala wiira moopaka etthu mooniheryaka ohiroromeleya, nave khamunrowa ovuwihiwa ni Yehova Muluku mwaha wa etthu ela”.